मुंबईत येथे एका 17 वर्षीय अल्पवयीन मुलीवर सामूहिक बलात्कार, पोलिसांनी दोन आरोपींना ठोकल्या बेड्या.

राज शिर्के, मुंबई महानगर प्रतिनिधी

महाराष्ट्र संदेश न्युज ! ऑनलाईन मुंबई:- राज्यात महिला अत्याचाराच्या घटनांमध्ये सातत्याने वाढ होत आहे. दररोज अत्याचाराच्या नवनवीन घटना उघडकीस येत आहेत. अशातच नालासोपाऱ्यातून एक संतापजनक घटना उघडकीस आली आहे. नालासोपारा येथे एका 17 वर्षीय मुलीवर सामूहिक बलात्काराच्या घटनेने संपूर्ण मुंबईत खळबळ माजली आहे. या प्रकरणी तुळींज पोलिसांनी नराधम आरोपीविरुद्ध गुन्हा दाखल करून आरोपींना बेड्या ठोकल्या आहे. या घटनेबाबत अधिक तपास पोलिस करत आहे.

प्राप्त माहितीनुसार, मुंबईत राहणाऱ्या एका 17 वर्षीय मुलीला फिरायला जाऊ असे सांगून नराधम आरोपीने तिला रिक्षातून नागीनदास पाडा येथील निर्जनस्थळी नेले. तिथे नेल्यानंतर नराधम आरोपी आणि त्याच्या मित्राने पिढीत अल्पवयीन मुलीवर सामूहिक बलात्कार केला.

पीडित मुलीची एक मैत्रीण नालासोपार्‍यात राहते. तिला भेटण्यासाठी ती अधून मधून नालासोपारा येथे येत होती. मैत्रीणीच्या घराशेजारी असणाऱ्या एका फोटो स्टुडियोत काम करणार्‍या तरुणाची आणि तिची 4 ते 5 दिवसांपूर्वी ओळख झाली होती. गुरुवारी आरोपीने तिला भेटण्यासाठी बोलावले. त्यानुसार पीडित मुलगी नालासोपारा स्थानकात आली. यावेळी आरोपी सोबत त्याचा मित्र देखील होता. फिरण्याच्या बहाण्याने ते तिला रिक्षातून घेऊन गेले. काही वेळाने तिला नगीनदासपाडा येथील एका निर्जनस्थळी नेले. तीथे दोघांनी तिच्यावर बलात्कार केला.

याप्रकरणी तुळींज पोलिसांनी दोन्ही आरोपींवर पोक्सो अंतर्गत बलात्काराचा गुन्हा दाखल करून दोन्ही आरोपींना अटक केली आहे. अशी माहिती तुळींज पोलीस ठाण्याचे वरिष्ठ पोलीस निरीक्षक शैलेंद्र नगरकर यांनी दिली आहे.