20 वर्षीय महिला पोलिस कर्मचाऱ्याने इंद्रायणी नदीत उडी घेत केली आत्महत्या, पुणे पोलीस दलात खळबळ.

पुणे जिल्हा प्रतिनिधी

महाराष्ट्र संदेश न्युज ! ऑनलाईन पुणे:- आळंदी येथून एक खळबळजनक घटना समोर आली आहे. येथे एका महिला पोलिस कर्मचाऱ्याने इंद्रायणी नदीत उडी घेत आत्महत्या केल्याने संपूर्ण गावात आणि पोलीस दलात खळबळ उडाली आहे. अनुष्का सुहास केदार वय 20 वर्षे, रा. लक्ष्मीनारायण नगर, दिघी असे इंद्रायणी नदीत उडी मारलेल्या पोलीस महिलेचे नाव आहे.

अनुष्का सुहास केदार या पोलीस कर्मचारी पुणे ग्रामीण पोलीस दलात कार्यरत होत्या. सध्या त्या पुणे ग्रामीण मुख्यालय येथे नेमणुकीला होत्या त्यांनी रविवारी सायंकाळी इंद्रायणी नदीच्या नवीन पुलाजवळ गरुड खांबावरून नदीत उडी घेत आत्महत्या केली. त्यांना पाण्यात उडी घेताना पाहून तिथे उपस्थित असलेल्या एका व्यक्तीने देखील उडी घेतली.या घटनेची माहिती मिळतातच आळंदी नगरपरिषद आणि एनडीआरएफचे बचाव पथक घटनास्थळी पोहोचले आणि महिलेचा शोध घेतला असताना यांना अद्याप मृतदेह सापडला नाही. शोध मोहीम सुरु आहे.

अनुष्का सुहास केदार या महिला पोलिसांनी वैयक्तिक कारणामुळे हे टोकाचे पाऊल घेतल्याचे सांगितले जात आहे. आळंदी पोलीस तपास करत असून मृतदेहाचा शोध लावला जात आहे. अद्याप मृतदेह सापडला नाही. पुढील तपास पोलीस करीत आहे.