अर्जुन पाडेवार यांचे सामाजिक कार्य कौतुकास्पद: कपील आकात

रविंद्र भदर्गे, जालना जिल्हा प्रतिनिधी

महाराष्ट्र संदेश न्युज ! ऑनलाईन परतूर दि.१४:- सामाजिक कार्यकर्ते अर्जुन पाडेवार यांनी समाजकार्याच्या माध्यमातून जनतेची खऱ्या अर्थाने सेवा केली असल्याने त्यांचे कार्य खरोखरच कौतुकास्पद आहे असे गौरोवोदगार राष्ट्रवादी युवकचे जिल्हाध्यक्ष माजी सभापती कपील आकात यांनी काढले. सामाजिक कार्यकर्ते अर्जुन पाडेवार तसेच साहित्यिक किशोर बौर्ड यांना पतंजली आयुर्वेद व अभिरुची साहित्य मंडळाच्या वतीने स्व. बी. रघुनाथ स्मृती सामाजिक पुरस्कार देऊन गौरविण्यात आले आहे. त्याप्रित्यर्थ आपल्या निवासस्थानी शनिवारी आयोजित सत्कार समारंभात आकात बोलत होते. यावेळी माजी नगराध्यक्ष अंकुश तेलगड, सय्यद आरेफ अली, विनायक काळे,विजय राखे, अखिल काजी,कदीर कुरेशी, अखिल पठाण यांची प्रमुख उपस्थिती होती.

आकात पुढे म्हणाले की, पाडेवार यांचे सामाजिक कार्यात मोठे योगदान आहे. नागरी समस्या सोडविण्यासाठी त्यांचा मोठा पुढाकार असतो. गरजूना निरनिराळ्या योजनांचा लाभ मिळवून देण्यासाठी ते नेहमी प्रयत्नशील असतात.पाडेवार यांचे सामाजिक कार्य त्यांना निश्चितच नगरसेवक पद मिळवून देईल असा विश्वास आकात यांनी यावेळी व्यक्त केला.

या दरम्यान सामाजिक कार्यकर्ते तसेच साहित्यिक यांना सर्वोतोपरी सहकार्य करू असेही आकात यावेळी म्हणाले.यावेळी राष्ट्रवादी काँग्रेस पक्षाचे कार्यकर्ते जेष्ठ नागरिक पत्रकार मोठ्या संख्येने उपस्थित होते,