चंद्रपुर जिल्हात अनैतिक संबंधातून पत्नीने केली प्रियकराबरोबर मिळून आपल्याच पतीची हत्या.

हनिशा दुधे, चंद्रपूर जिल्हा ग्रामीण प्रतिनिधी

महाराष्ट्र संदेश न्युज ! ऑनलाईन चंद्रपूर:- येथून एक खळबळजनक घटना समोर आली. येथे विवाहबाह्य अनैतिक संबधातून पत्नीने आपल्याच पतीचे निर्घृण पणे खून केल्याची घटना ताडी हिरापूर गावात घडली असून पतीची हत्या केल्यानंतर पत्नीने आपला पती हरवला अशी तक्रार पोलिस स्टेशन येथे जाऊन दाखल केली होती.

मात्र पोलिसांनी याबाबत कडून तपास केला असता या या घटनेचे बिंग फुटले. पत्नीनेच आपल्या प्रियकराच्या मदतीने पतीची हत्या केली. त्यानंतर हरविल्याची तक्रार दाखल केली. अशी खळबळजनक माहिती पोलिस तपासात समोर आली आहे. मृत पतीचा मृत्तदेह अद्याप सापडलेला नाही. रामदास रावसाहेब नंदेवाड वय 28 वर्ष असे हत्या करण्यात आलेला पतीचे नाव असून या प्रकरणात पोलिसांनी मृताची पत्नी रेणुका रामदास नंदेवाड आणि श्रीनिवास बापूराव घंटेवाड यांना बेड्या ठोकल्या आहे.

पोलिसांन कडून प्राप्त माहितीनुसार, गुरुवारी (दि.5) सप्टेंबरच्या सायंकाळी रामदास नंदेवाड हा आपल्या कुटुंबीयांना सांगून शेणगावला गेला होता. परंतु तो रात्री घरी परतला नाही. दुसऱ्या दिवशी पत्नी रेणुका हिने जिवती पोलीस स्टेशनमध्ये पती हरविल्याची तक्रार दाखल केली. तक्रारी नंतर पोलिसांनी तपास सुरू केला. तपासात पत्नी रेणुका आणि प्रियकर श्रीनिवास यांच्यातील विवाहबाह्य प्रेमसंबंधाची माहिती उघड झाली. सखोल झालेल्या चौकशीत पत्नीने प्रियकर आरोपीही मिळून हत्येचा कट रचला. घटनेच्या दिवशी, श्रीनिवासने मृतक रामदासला गडचांदूरच्या देशी दारू दुकानातून दारू पाजली. त्यानंतर त्याला (टीएस 20 टी 7196) क्रमांकाच्या ऑटोरिक्षात बसवून राजुरा रोडकडे नेले. वाटेतच श्रीनिवासने रामदासच्या डोक्यावर दगडाने हल्ला केला यामध्ये तो गंभीर जखमी झाला. नंतर त्याला वर्धा नदीच्या पुलावरून खाली फेकले. अशी माहिती पोलिस तपासात उघड झाली आहे. पोलिसांनी दोन्ही आरोपींविरुद्ध भारतीय दंड संहितेच्या विविध कलमांखाली गुन्हा दाखल केला असून पुढील तपास पोलीस करत आहे.