पुण्यात ईदच्या निमित्ताने काढण्यात आलेल्या जुलूसमध्ये झेंडा फडकवताना दोघांना विजेचा झटका एकाचा जागीच मृत्यू.

वैशाली गायकवाड पुणे प्रतिनिधी

महाराष्ट्र संदेश न्युज ! ऑनलाईन पुणे:- येथील चंदन नगर पोलीस स्टेशनच्या हद्दीतील एक दुर्घटना समोर आली आहे. येते ईदच्या निमित्ताने काढण्यात आलेल्या जुलूस मिरवणुकीत झेंडा फडकवताना दोघांना विजेचा जोरदार झटका लागला आहे. यात एका युवकाचा जागीच मृत्यू झालाय तर दुसऱ्यावर रुग्णालयात उपचार सुरू आहेत. वडगाव शेरीतील आनंद पार्क येथे आज सकाळी ही घटना घडली आहे.

प्राप्त माहितीनुसार, ईदच्या निमित्ताने काढण्यात आलेला जुलूस वडगाव शेरीतील आनंद पार्क येथून जात होता. काही तरुण हातात झेंडा घेऊन डीजे वरती थांबले होते. वाहन पुढे जात असताना एका तरुणाचा धक्का ओव्हर हेड वायरला लागला. त्यामुळे विजेचा झटका बसून त्याचा जागीत मृत्यू झाला आहे. दुसऱ्या एका तरुणाला देखीव विजेचा झडका बसला आहे. तो गंभीर जखमी झाला आहे.

यावेळी युवकांना विजेचा झटका लागल्यानंतर जुलूस मध्ये एकच खळबळ माजली होती. एक तरुण वायरला चिटकून बसला होता, तर दुसरा खाली पडला होता. दुसऱ्या तरुणाला बेशुद्ध अवस्थेमध्ये रुग्णालयात उपचारासाठी दाखल करण्यात आले आहे. तरुणांना उंचीवर ओव्हरहेड वायर असल्याचा अंदाज आला नाही. त्यामुळे हा अपघात घडला असल्याचं सांगण्यात येतंय. सदर प्रकरणी पोलीस तपास करत आहेत.