सारस्वत सेंट्रल पब्लिक स्कूल अजनी, सावनेर तर्फे राज्यस्तरीय चित्रकला स्पर्धेचे आयोजन संपन्न.

अनिल अडकिने नागपुर जिल्हा प्रतिनिधी

महाराष्ट्र संदेश न्युज ! ऑनलाईन सावनेर:- सारस्वत सेंट्रल पब्लिक स्कूल अजनी, सावनेर मध्ये ‘ऋतुरंग’ राज्यस्तरीय चित्रकला स्पर्धेचे आयोजन करण्यात आले होते. या स्पर्धेत वर्ग केजी ते वर्ग दहावीच्या विद्यार्थ्यांनी ‘ऋतुरंग’ या स्पर्धेत सहभागी होऊन आपल्या कल्पनेतील कलेला जागृत करून त्यात रंग भरण्याचा प्रयत्न केला. या स्पर्धेत सर्व विद्यार्थ्यांनी भारतीय सण, निसर्ग चित्र,स्मरण चित्र इत्यादी अनेक प्रकारचे आपल्या कल्पनेतील मनोरम व नयनरम्य देखावे रंग व कुंचल्याच्या साह्याने साकार करण्याचा तसेच आपल्या भावनांना चित्राच्या माध्यमाने व्यक्त करण्याचा एक निरागस प्रयत्न केला.

या चित्रकला स्पर्धेचे आयोजन शाळेतील चित्रकला शिक्षिका सौ. स्वाती भिसे मॅडम तसेच शाळेचे संचालक श्री. साहेबराव बिरखरे, शाळेच्या मुख्याध्यापिका सौ. सिमला सिंग मॅडम आणि शाळेतील सर्व शिक्षक गण यांच्या सहयोगाने चित्रकला स्पर्धेत आनंदाच्या रंगाने पार पडले.