सिराेंचा तालुक्यात हत्याराने हल्ला करत लहान भावाने केली मोठ्या भावाची हत्या.

मधुकर गोंगले, गडचिरोली जिल्हा प्रतिनिधी

महाराष्ट्र संदेश न्युज ! ऑनलाईन गडचिराेली:- सिराेंचा तालुक्यातील रंगय्यापल्ली येथून एक खळबळजनक घटना समोर आली आहे. येथे जुन्या वादातून लहान भावाने आपल्याच माेठ्या भावाची निर्घृण हत्या केल्याच्या घटनेने संपूर्ण परिसरात खळबळ उडाली आहे. ही घटना गुरूवार 10 ऑक्टाेबर राेजी रात्री 10 वाजताच्या दरम्यान घडली. चिन्नना मलय्या वडगुरी वय 40 वर्ष राह. रंगय्यापल्ली असे हत्या करण्यात आलेल्या व्यक्तीचे नाव असून सत्यम मलय्या वडगुरी वय 31 वर्ष असे आराेपीचे नाव आहे.

आरोपी सत्यम वडगुरी यांचा माेठा भाऊ मृतक चिन्नना वडगुरी या दाेघांमध्ये मागील काही दिवसांपासून जुन्या प्रकरणामुळे वाद हाेता सुरू होता. याच वादातून रात्री कडाक्याचे भांडण झाले. या भांडणातून आराेपी सत्यम त्याने चिन्ननाच्या मागील बाजूने उजव्या कानाखाली एका हत्याराने हल्ला केला. या हल्यात चन्नना एका क्षणात सिमेंट काॅंक्रिटच्या रस्त्यावर रक्ताच्या थाराेळ्यात पडला. अति रक्तस्त्राव झाल्याने त्याचा जागीच मृत्यू झाला.

या घटनेची तक्रार रंगय्यापल्लीचे उपसरपंच बापू गट्टू अतकरी यांनी 11 ऑक्टाेबर राेजी सिराेंचा पाेलिस स्टेशनमध्ये केली. सदर तक्रारीवरून आराेपी सत्यम वडगुरी याच्यावर हत्येचा गुन्हा नाेंद करून आरोपी विरुद्ध विविध कलमा अन्वये गुन्हा दाखल करण्यात आला असून या घटनेचा पुढील तपास पीएसआय गणेश जंगले करीत आहेत.