आर्वी विधानसभा मतदार संघात ईव्हीएम व्हीव्हीपॅट यंत्राची द्वितीय सरळमिसळ प्रक्रिया पूर्ण.

निवडणूक निरीक्षक जयप्रकाश सिंग यांची उपस्थिती.

प्रवीण जगताप वर्धा उपजिल्हा प्रतिनिधी

महाराष्ट्र संदेश न्युज ! ऑनलाईन वर्धा दि.11:- आर्वी विधानसभा मतदार संघातील निवडणूक प्रक्रिया सुरळीत व जबाबदारीने पार पाडण्यात यावी. प्रक्रिया ही निवडणूक आयोगाच्या नियम व कायद्यानुसार पार पाडली जाईल यावर कटाक्षाने बर द्यावा अशा सूचना निवडणूक निरीक्षक जयप्रकाश सिंग यांनी केल्या.

निवडणूक निरीक्षक जयप्रकाश सिंग व उमेदवार व त्यांचे प्रतिनिधी यांचे उपस्थितीत आर्वी विधानसभा मतदार संघातील ईव्हीएम व्हीव्हीपॅट मशीनसचे द्वितीय सरळमिसळ प्रक्रिया पूर्ण करण्यात आली, त्यावेळी ते बोलत होते.
आर्वी विधानसभा निवडणूक निर्णय अधिकारी विश्वास शिरसाठ, सहाय्यक निवडणूक निर्णय अधिकारी हरीश काळे, हंसा मोहने, ऐश्वर्या गिरी, उमेदवार व त्यांची प्रतिनिधी तसेच सर्व क्षेत्रीय अधिकारी यावेळी उपस्थित होते. सर्व क्षेत्रीय अधिकारी यांची बैठक घेऊन निवडणूक निरीक्षक यांनी निवडणूक सुरळीत पार पाडणे बाबत निर्देश दिले.

आर्वी मतदारसंघात कंट्रोल युनिट 372, बॅलेट युनिट-744, व्हीव्हीपॅट-403 असून 310 मतदान केंद्राकरिता मशीन वाटप करण्यात आल्या तसेच राखीव मशीनचे ही निर्धारण करण्यात आले.
त्याचप्रमाणे मतदान यंत्र तयार करण्याची प्रक्रिया अकरा व बारा नोव्हेंबर रोजी पूर्ण करण्यात येणार आहे.