नागपुरात 22 वर्षाच्या नशेत धूत असलेल्या दोन तरुणीने केली चैन स्नॅचिंग, तरुणी नशेत असल्याने झाला खेळ खतंम.

✒️युवराज मेश्राम, विदर्भ ब्यूरो चीफ

नागपूरः- शहरात गेल्या अनेक वर्षांपासून गुन्हेगारी वाढत असल्याचे समोर येत आहे. त्यात पुरुष पाठोपाठ आता महिला आणि तरुणी पण क्राईम करण्यात मागे नसल्याचे समोर आले आहे. अशीच एक घटना नागपूर शहरातील धंतोली पोलिस स्टेशनच्या हद्दीतून समोर आली आहे.

चैनस्नॅचिंग प्रकणात अनेक वेळा आरोपी हे पुरुष असतात. पण आता महिला पण या गुन्हात मागे नसल्याची घटना शुक्रवारी सायंकाळी धंतोली पोलिस स्टेशनच्या हद्दीत घडलेल्या चैनस्नॅचिंगचे प्रयत्न करणाऱ्या दोन तरुणी पोलिसांच्या हाती लागल्या आहेत. रामकृष्ण पार्कजवळ या दोन्ही तरुणींनी दुचाकीवरुन येत महिलेचे मंगळसूत्र हिसकावले, पण महिलेच्या समयसूचकतेमुळे त्या तरुणीच्या प्लॅन फसला आणि त्या पकडल्या गेल्या.

दोन तरुणी दुचाकीने महिलेची लुटमार करण्याच्या प्रयत्नात निघाल्या. सायंकाळी 7.30 वाजताच्या सुमारास धंतोली परिसरातील रामकृष्ण पार्क समोर अरुंधती देवेंद्र तगनपल्लीवार वय 53 वर्ष, रा. विवेकानंद नगर, धंतोली या फिरत होत्या यावेळी त्यांना मागून दुचाकीवरुन येणाऱ्या 20 ते 22 वयोगटातील दोन तरुणींनी आवाज दिला. त्यामुळे त्यांनी मागे वळून बघताच, त्यांच्या गळ्यातीळ सोन्याचे मंगळसूत्र हिसकावून पळ काढण्याचा प्रयत्न केला. दरम्यान अरुंधती यांनी समयसुचकता दाखवित, मागे बसलेल्या तरुणीचा हात पकडला आणि ओढले. त्यामुळे ती दुचाकीवरुन पडली. अरुंधती यांनी आरडाओरड केल्याने पळून जाणाऱ्या दुसऱ्या तरुणीला नागरिकांच्या मदतीने पकडण्यात आले. पकडण्यात आलेल्या तरुणी पैकी एक तरुणी नशेत धुत होती. घटनेची माहिती मिळताच वरिष्ठ पोलिस निरीक्षक प्रभा एकुर्ले यांनी घटनास्थळ गाठले. दोन्ही तरुणींना ताब्यात घेत, त्यांच्यावर गुन्हा दाखल करीत, त्यांना अटक केली आहे.

मंगळसुत्रही निघाले बनावटी

सोनसाखळी चोरण्याचा प्रयत्न करताना अडकलेल्या तरुणींनी जे मंगळसूत्र चोरण्याचा प्रयत्न केला. प्रत्यक्षात ते मंगळसुत्रही बनावटी असल्याची माहिती समोर आली आहे. त्यामुळे या प्रकारात ‘खाया पिया कुछ नही गिलास तोडा बारा आणा’ असाच प्रकार झाल्याचे दिसून आले.