भारत विद्यालय वेळा येथे अपूर्व विज्ञान मेळाव्याचे आयोजन.

अनिल कडू हिंगणघाट विशेष प्रतिनिधी

महाराष्ट्र संदेश न्युज ! ऑनलाईन हिंगणघाट:- भारत विद्यालय वेळा येथे आज दिनांक 16 डिसेंबर रोजी अपूर्व विज्ञान मेळाव्याचे आयोजन करण्यात आले होते. सकाळी 11.30 वाजता अपूर्व विज्ञान मेळाव्याचे उद्घाटन मुख्याध्यापिका सौ. हिंगमीरे यांचे हस्ते संपन्न झाले. यावेळी शाळेतील शिक्षक आणि विद्यार्थी मोठ्या प्रमाणात उपस्थित होते.

या अपूर्व विज्ञान मेळाव्यामध्ये विद्यार्थीनी मोठ्या उत्साहाने सहभाग घेतला. यावेळी वर्ग पूर्वमाध्यमिक विभागातून 15 विद्यार्थ्यांनी व माध्यमिक विभागातून 12 विद्यार्थ्यांनी आपल्या विविध विज्ञान उपक्रम दाखवून लक्ष वेधून घेतले. या कार्यक्रमाच्या यशस्वीतेसाठी विज्ञान शिक्षक तिमांडे सर, खैरकर सर व मुळे सर यांनी सहकार्य केले.