सावनेर शहरात स्विमिंगपूल, उद्यान व स्टेडियम बनवावे शिवसेना (उबाठा) तर्फे आमदार डॉ.आशिष देशमुख यांना निवेदन.

अनिल अडकिते नागपूर जिल्हा प्रतिनिधी

महाराष्ट्र संदेश न्युज ! ऑनलाईन नागपूर १८:- सावनेर येथील शिवसेना (उबाठा) नागपूर जिल्हाध्यक्ष उत्तम कापसे यांच्या प्रमुख उपस्थितीत नागपुर येथील हिवाळी अधिवेशनात सावनेर-कळमेश्वर विधानसभा क्षेत्राचे आमदार डॉ.आशिष देशमुख यांना निवेदन देण्यात आले.

सावनेर शहरात स्विमिंग पूल, उद्यान व मुलांना खेळण्याकरिता स्टेडियम नसल्यामुळे शाळेतील विद्यार्थी,बुजुर्ग तथा युवकांना क्रीडा क्षेत्रात माघारी जावे लागत आहे.सावनेर शहरात उद्यान (गार्डन) नसल्यामुळे बुजुर्ग लोकांना मनमोकळेपणाने कोठेही घुमण्या-फिरण्या करिता जागा नाही. सावनेर शहरात एक सुंदर असे उद्यान व सर्व सोयीनुसार स्विमिंग पूल बनविण्यात यावे. अशी अपेक्षा आमदार डॉ. आशिष देशमुख यांच्याकडून केली जात आहे.

यासंबंधी एक निवेदन आमदार डॉ आशिष देशमुख यांना देण्यात आले असून या सर्व मागण्यांवर सविस्तर विचार करावा. अशी आग्रहाची विनंती करण्यात आली आहे. निवेदन देतेवेळी जिल्हाध्यक्ष उत्तम कापसे व इतर कार्यकर्ते, शिवसैनिक उपस्थित होते.