लोणीकाळभोर परिसरात गांजा या अंमली पदार्थाची विक्री करणा-या इसमास अंमली पदार्थ विरोधी पथक १ यांनी ठोकल्या बेडया…..

पंकेश जाधव पुणे जिल्हा प्रतिनीधी

अंमली पदार्थ विरोधी पथक १ गुन्हे शाखा पुणे शहर

पुणे : दि. ०७/१०/२०२२ रोजी अंमली पदार्थ विरोधी पथक १ गुन्हे शाखा पुणे शहर चे वरिष्ठ पोलीस निरीक्षक श्री विनायक गायकवाड हे पथकातील स्टाफसह लोणीकाळभोर पोलीस स्टेशन कार्यक्षेत्रात पेट्रोलिंग करीत असताना पानमळ्याकडुन फुकटवाडी जाणा-या सार्वजनिक रोडवर रेल्वे ब्रिजवळ आळंदी म्हातोबाची ता.हवेली जि. पुणे येथे एक इमस त्याचे गाडीचे मध्यभागी एक नायलॉनचे पोते घेवुन संशयितरित्या गाडीवर बसलेला मिळुन आल्याने त्यास गाडी व गाडीवरील पोत्यासह ताब्यात घेवुन त्याचे नाव पत्ता विचारता त्याने त्यांचे नाव चंद्रकांत सुरेश पवार, वय २१ वर्षे सध्या रा. म्हातोबाची आळंदी. माथेफोड वरती, ता. हवेली जि. पुणे. मुळ राहणार मु. पो. तित्रज ता. भुम जि. उस्मानाबाद असे असल्याचे सांगितले त्यानंतर त्याचेकडील गाडीची व त्यामधील पोत्याची झडती घेता त्यामध्ये एकुण किं. १,७९,१४०/ रु ऐवज त्यामध्ये एक मोबाईल फोन कि.रु.७,०००/- चा एक दुचाकी कि.रु.५०,०००/- पी व कि.रु. १,२२,१४०/- चा ०६ किलो १०७ ग्रॅम गांजा हा अंमली पदार्थ गिळुन आल्याने त्याचे विरुद्ध लोणी काळभोर पोलीस स्टेशन गु.र.नं. ५४० / २०२२, एन.डी.पी.एस. अॅक्ट कलम ८ (क), २० ( ब ) (ii) (ब) प्रमाणे गुन्हा नोंद करण्यात आला आहे.

वरील नमुद कारवाई ही मा. पोलीस आयुक्त, पुणे शहर, श्री अमिताभ गुप्ता, मा. पोलीस सह आयुक्त श्री. संदिप कर्णिक, मा. अपर पोलीस आयुक्त श्री रामनाथ पोकळे, मा.पोलीस उप आयुक्त गुन्हे, श्री. श्रीनिवास चाडगे, मा. सहा पो आयुक्त गुन्हे १ श्री गजानन टोम्पे यांचे मार्गदर्शना खाली अमली पदार्थ विरोधी पथक १ गुन्हे शाखा पुणे शहर कडील वरिष्ठ पोलीस निरीक्षक श्री. विनायक गायकवाड, सहा पोलीस निरीक्षक शैलजा जानकर, पोलीस अंमलदार मनोजकुमार साळुंके विशाल दळवी, मारुती पारधी, पांडुरंग पवार, प्रविण उत्तेकर, राहुल जोशी, संदिप शिर्के, संदेश काकडे, सचिन माळवे रेहना शेख यांनी केली आहे.