नवऱ्याच्या फोटोवर लिहिले; ‘मैं बेवफा नहीं हूं… मेरा मंगल मेरी जान ले गया’ म्हणत पत्नीने केली आत्महत्या

म. स. न्यू. क्राईम रिपोर्टर

मध्य प्रदेश:- राजधानी भोपाळ येथे एक दुर्दैवी घटना समोर आली आहे. एका विवाहित महिला शिक्षिकेचा मृतदेह तिच्या सासरवाडीत लटकलेल्या अवस्थेत आढळून आला आहे. आपल्या सुनेने आत्महत्या केल्याचे सासरच्यांनी लोकांनी पोलिसांना दिलेल्या बायाणात सांगितले आहे, तर दुसरीकडे मृत विवाहित महिलेच्या कुटुंबियांनी तिची हत्या झाल्याचा आरोप केला आहे. मृताच्या हातावर कथित सुसाईड नोटही लिहिली आहे. ज्यामध्ये ती स्वइच्छेने जीव देत असल्याचे लिहिले आहे.प्राप्त माहितीनुसार, रायसेन येथे राहत असलेल्या इंदूचा विवाह भोपाळ येथील रहिवासी सुभाष साहू यांच्याशी 3 वर्षांपूर्वी झाला होता. इंदू सरकारी शाळेत शिक्षिका (गेस्ट टीचर) होत्या. गुरुवारी सकाळी इंदूचे पती सुभाष यांनी पत्नीने गळफास घेतल्याची माहिती स्थानिक पोलिसांना दिली. पोलिस घटनास्थळी पोहोचले त्यावेळी विवाहितेचा मृतदेह खाली उतरवला होता. पोलिसांनी पंचनामा करून उर्वरित तपासणी करिता मृतदेह शवविच्छेदनासाठी पाठवला असून मृताच्या नातेवाईकांना माहिती देण्यात आली.पोलिसांना विवाहीतेच्या मृतदेहाजवळ तिच्या पतीचा फोटो सापडला, ज्याच्या मागे ‘मी बेवफा नाही’ असे लिहिले होते. याशिवाय मृताच्या तळहातावर असेही लिहिले होते की, ‘मी माझ्या स्वेच्छेने माझा जीव देत आहे. आई, बाबा, भावा माफ कर. माझ्या मंगळाने माझा जीव घेतला’. पोलिसांनाही हे दोन्ही हस्तलेखन जुळून पाहत आहेत. पोलिसांनी दिलेल्या माहितीनुसार, महिलेच्या पतीने सांगितले की, पत्नीने गळफास लावून घेतला आहे, तर मृताच्या नातेवाईकांनी सासरच्या मंडळींवर मुलीची हत्या केल्याचा आरोप केला आहे. जावई आपल्या मुलीचा छळ करत असे व संशय घेत असे, त्यामुळे दोघांमध्ये वाद झाला, असा आरोप मृताच्या नातेवाईकांनी केला आहे. पण अपघाताच्या काही तास आधी जेव्हा मुलगी फोनवर बोलली तेव्हा तिने सगळं नॉर्मल असल्याचं सांगितलं. मात्र काही तासांनंतर त्यांच्या मृत्यूची बातमी आली.