हिंगणघाट येथील विर भगतसिंग वार्ड मध्ये धम्मचक्र प्रवर्तन दिन उत्साहात साजरा. प्रमुख पाहुणे म्हणून सुरेशदादा गायकवाड यांची उपस्थिती.

✒️प्रशांत जगताप

हिंगणघाट:- शहरातील प्रभाग क्रमांक 09 वीर भगतसिंग वार्ड मध्ये 66 वा धम्मचक्र प्रवर्तन दिन मोठ्या उत्साहात साजरा करण्यात आला. या कार्यक्रमाचे आयोजन वॉर्डातील छोट्या छोट्या मुला मुलींना एकत्र येत केलं. यावेळी वीर भगतसिंग वार्डातील महिला मंडळाच्या वतीने करून त्रिशरण पंचशील ग्रहण करण्यात आले. त्यानंतर तथागत गौतम बुद्ध आणि डॉ आंबेडकर आंबेडकर यांना अभिवादन करण्यात आले.

या कार्यक्रमाला प्रमुख पाहुणे म्हणून सामाजिक कार्यकर्त्या सुरेशदादा गायकवाड उपस्थित होते. यावेळी अनुष्का खैरे, मंथन खैरे, समिधा नगराळे, मार्गदर्शक लता ताई भगत, श्वेता कांबळे, पुरुषोतम भगत, अतिश नगराळे, आकाश कांबळे, निखिल उमरे, रोजा खैरे सह वॉर्डातील शेकडो नागरिकांनी उपस्थिती लावली.

डॉ. बाबासाहेब आंबेडकर यांनी नागपूरच्या पवित्र दीक्षाभूमीवर 14 ऑक्टोंबर 1956 ला अशोक विजयादशमी दिनी आपल्या लाखो बांधवांना मानवतावादी बौध्द धम्म दिला. ही जगातील एक अशी क्रांती होती जी कुठलही रक्त न सांडवता करण्यात आली होती. त्याचेच प्रतिबिंब म्हणजे आज शिक्षित, सुधारित बौध्द समाज निर्माण झाला आहे. या धम्म दिक्षेचा क्रांतीमुळे आज आपण माणसात आलो आहोत त्यामुळे ही घटना जागतिक पातळीवरील एक महत्वपूर्ण घटना आहे. यावेळी सुरेशदादा गायकवाड यांनी धम्मचक्र प्रवर्तन दिनानिमित्त सर्वांना शुभेच्छा देत आपले विचार मांडले.

यावेळी भोजन दानाचे आयोजन करण्यात आले होते. यावेळी शेकडो नागरिकांनी या भोजनाचा आस्वाद घेतला यावेळी सुरेश दादा गायकवाड यांनी सर्व मान्यवरांचे आभार मानले.

आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट ला www.maharashtrasandesh.com ला भेट द्या. 9766445348/7385445348