वर्धा: सख्ख्या बहिणीवर भावाने केला होता अनैतिक अत्याचार, ‘पीडिते’ला मिळाली गर्भपाताची परवानगी.

🖊️आशिष अंबादे , वर्धा जिल्हा प्रतिनिधी 🖊️

१५ वर्षीय अल्पवयीन मुलीवर तिच्याच अल्पवयीन सख्ख्या भावाने वारंवार शोषण केले होते. पीडितेचे पोट दुखत असल्याने तिची आई रुग्णालयात घेऊन गेली असता ती २४ आठवड्यांची गर्भवती असल्याची धक्कादायक बाब उजेडात आली होती. मात्र, १५ वर्षांची मुलगी बलात्कारातून आई होणे ही बाब मुलीच्या मानसिक व शारीरिक आरोग्याच्या दृष्टीने घातक होती. तिच्या आईने उच्च न्यायालयात धाव घेत गर्भपात करण्याची परवानगी मागितली. न्यायालयाने तत्काळ दखल घेत २९ जुलै रोजी प्रकरण सुनावणीला ठेवले. याचिकाकर्त्याची बाजू ऐकून घेत उच्च न्यायालयाने जिल्हा शल्य चिकित्सकांना पीडितेला शासकीय रुग्णालयात दाखल करून एक समिती स्थापन करून तपासणी करा, तसेच तिचा गर्भपात करणे शक्य आहे किंवा नाही, याबाबतचा अहवाल २ ऑगस्ट रोजीपर्यंत देण्याबाबत आदेशित केले होते.