✒️प्रशांत जगताप मुख्यसंपादक
महाराष्ट्र संदेश न्युज ! ऑनलाईन विशेष लेख संपूर्ण जगभऱ्यात सध्या प्रेमाचा सप्ताह म्हणजेच व्हॅलेंटाईन विक साजरा करण्यात येत आहे. आज या व्हॅलेंटाईन विकचा महत्वपूर्ण दिवस म्हणजेच व्हॅलेंटाईन डे आहे. हा दिवस का साजरा केला जातो याचे या लेखात आपण जाणून घेऊ.
“व्हॅलेंटाईन डे” संत वैलेंटाइनच्या स्मरणार्थ संपूर्ण जगात साजरा केला जातो, असे मानले जाते की तिसऱ्या शतकात रोममध्ये क्लॉडियस नावाच्या राजाने राज्य केले होते, जो एक अतिशय शक्तिशाली साम्राज्याचा राजा होता आणि त्याचे साम्राज्य आणखी वाढवण्यासाठी त्याला मोठ्या प्रमाणात सैन्याची आवश्यकता होती.
म्हणून क्लॉडियस याने आपल्या संपूर्ण राज्यात एक आदेश जारी केला की कोणताही अधिकारी किंवा सैनिक लग्न करणार नाही, त्यांनी तरुणांचे लग्न बेकायदेशीर घोषित केले कारण त्यांचा विश्वास होता की अविवाहित पुरुष अधिक चांगला सैनिक होऊ शकतो, लग्न करण्यापेक्षा पुरुषांची बुद्धिमत्ता आणि शक्ती कमी होते, परंतु संत वैलेंटाइन, त्याच्या राज्याच्या चर्चचे पाद्री, यांनी या निर्णयाला अन्यायकारक म्हटले आणि त्याचा विरोध सुरू केला.
संत वैलेंटाइनच्या याने राजा क्लॉडियस याच्या आदेशाला पायाखाली तुडवत त्यांनी आपल्या हाताने अनेक अधिकारी, सैनिक आणि तरुण प्रेमी युगुलांची लग्ने करून दिली. तो लोकांना लग्नासाठी प्रोत्साहन दिले.
एके दिवशी एक प्रेमळ जोडपे त्याच्याकडे पोहोचले आणि त्या जोडप्याने त्यांना लग्न करण्यास सांगितले, तेव्हा संत व्हॅलेंटाईनने हे मान्य केले आणि त्यांना एका गुप्त ठिकाणी नेले आणि त्यां प्रेमीयुगुलाचे लग्न लाऊन दिले.
जेव्हा राजा क्लॉडियसला हे कळलं की आपल्या आदेश असूनही संत वैलेंटाइन हा अनेक तरुणाचे लग्न करून देत आहे. तेव्हा त्याला राग आला आणि त्याने संत व्हॅलेंटाइनला कैद केले आणि त्याला मृत्यूदंडही दिला. दरम्यान, जेलमध्ये असताना त्याला अनेक लोकांकडून गुलाब आणि भेटवस्तू मिळू लागल्या. आम्ही सर्व प्रेमावर विश्वास ठेवतो अशा आशयाचे संदेश त्याला देण्यात आले.
एके दिवशी एस्टेरियस नावाचा जेलर त्याच्याकडे आला. जेलरच्या मुलीला व्हॅलेंटाइनला भेटायचे होते, म्हणून जेलर तिच्या मुलीला व्हॅलेंटाइनला भेटायला घेऊन गेला. त्या दिवसापासून व्हॅलेंटाईन आणि जेलरच्या मुलीची घट्ट मैत्री झाली आणि त्या मैत्रीचे हळूहळू प्रेमात रूपांतर कधी झाले ते कळलेच नाही.
व्हॅलेंटाइनने पहिले ग्रीटिंग कार्ड जेलरच्या मुलीला पाठवले. कार्डच्या शेवटी त्याने Your Valentine असे लिहिले, हा शब्द आहे जो लोक अजूनही त्यांच्या प्रियकरांना कार्ड पाठवण्यापूर्वी लिहितात. १४ फेब्रुवारी, २६९ ईस्वी, व्हॅलेंटाइनला फाशीची शिक्षा सुनावण्यात आली. व्हॅलेंटाईन डे च्या निमित्ताने निस्वार्थ प्रेमाचा संदेश जगभर पोहोचवला जातो.
फाशीचा दिवस होता १४ फेब्रुवारी
व्हॅलेंटाईनच्या फाशीचा दिवस होता १४ फेब्रुवारी, २६९ ए. डी., मात्र त्याने मरण्यापूर्वी एक पत्र लिहिले, ज्यामध्ये प्रेमासाठी आपण आपला जीव ओवाळून टाकत आहोत हे स्पष्ट केले होते. प्रेम हे सर्वस्व असून प्रेमासाठी वाट्टेल ते झेलण्याची आपली तयारी असल्याचेही त्याने यामध्ये नमूद केले होते असं सांगण्यात येते. म्हणूनच जगभरात १४ फेब्रुवारी हाच दिवस व्हॅलेंटाईनच्या आठवणीनिमित्त व्हॅलेंटाईन डे म्हणून साजरा करण्यात येतो.
