जागतिक महिला दिनाचे औचित्य साधून नांद्रा येथे मोफत मोतीबिंदू शस्त्रक्रिया शिबिराचे आयोजन.

ईसा तडवी, जळगांव उपजिल्हा प्रतिनिधी

महाराष्ट्र संदेश न्युज ! ऑनलाईन नांद्रा:- जागतिक महिला दिनाचे औचित्य साधून उद्धव बाळासाहेब ठाकरे पक्षाच्या धडाडीच्या नेत्या सौ. वैशाली नरेंद्रसिंग सुर्यवंशी यांनी नांद्रा येथे नि:शुल्क मोतीबिंदू शस्त्रक्रिया शिबिराचे आयोजन करण्यात आले होते. प्रथमतः दीप प्रज्जवलाने सौ. वैशाली सुर्यवंशी यांच्या हस्ते शिबिराचे उद्घाटन करण्यात आले.

पाचोरा व भडगाव तालुक्यातील अनेक ठिकाणी सौ. वैशाली सुर्यवंशी यांनी मोफत मोती बिंदू शस्त्रक्रिया शिबिराचे आयोजन करून वयोवृद्ध व्यक्तींना नवी दृष्टी प्रदान करण्याचा एक संकल्पच हाती घेतला आहे. हा संकल्प ते पुढे अविरत चालू ठेवून सामाजिक बांधिलकी जोपासणार आहेत. दि. 15 मार्च 2023 रोजी नांद्रा तसेच परिसरातील ज्या लोकांची आर्थिक परिस्थिती अतिशय बिकट आहे अशा गरजू लोकांसाठी मोफत मोतीबिंदू शस्त्रक्रिया शिबिराचे आयोजन करून सुमारे 310 रुग्णांची तपासणी जळगाव येथील नेत्रचिकित्सक डॉ. विष्णू पाटील व डॉ. विनोद पाटील यांच्या कडून करून घेतली. त्यातील जवळपास 70 रुग्णांना मोतीबिंदू शस्त्रक्रियेसाठी जळगाव येथील प्रसिद्ध कांताई नेत्र चिकित्सालय या ठिकाणी पाठविण्यात आले.

यावेळी रुग्णांची तपासणी, जळगाव येथे येण्या – जाण्याचा तसेच मोतीबिंदू शस्त्रक्रियेचा संपूर्ण खर्च सौ. वैशाली सुर्यवंशी करीत आहेत. याप्रसंगी शेतकरी नेता रमेश बाफना जी, राजेंद्र भैय्या, राजेंद्र पंडित सूर्यवंशी, विनोद बाबुराव पाटील (शिवसेना उपजिल्हा संघटक), यशवंत पवार पत्रकार, पिंपले बाबा महाजन वेरूळी, शरद पाटील तालुका (प्रमुख शिवसेना), संदीप जैन (उपजिल्हाप्रमुख युवा सेना), प्रणय रणदिवे, प्रवीण पाटील सामनेर, विनोद पाटील माहेजी, कैलास पाटील आसनखेडे, रवी पाटील लासगाव, नितीन पाटील दुसखेडे, सखाराम तुकाराम पाटील माजी उपसरपंच, सुभाष त्र्यंबक पाटील तंटामुक्ती अध्यक्ष, विनोद सावळे सरपंच, किरण वसंत तावडे पोलीस पाटील, रवींद्र राजेंद्र पाटील पत्रकार, किरण सोनार (शालेय व्यवस्थापन समिती उपाध्यक्ष), भूषण तावडे (युवा सेना), बाल हिलाल बाविस्कर (शाखाप्रमुख), नंदेश्वर पाटील, रामचंद्र धर्मा धनगर कुरंगी, सुनील पाटील, अरविन्द पाटील, समाधान पाटील, आदि उपस्थित होते.