वैशाली गायकवाड उपसंपादक (पुणे)
महाराष्ट्र संदेश न्युज ! ऑनलाईन पुणे:- येथून एक संतापजनक घटना समोर आली आहे एका भिकारी महिलेवर काही नराधमांनी बलात्कार केला. ही घटना समोर येतच सर्वत्र संताप व्यक्त केला जात आहे.
प्राप्त माहितीनुसार पुणे शहरातील येरवडा पोलीस स्टेशनच्या हद्दीत भिक मागून उदरनिर्वाह करणाऱ्या एका महिलेवर फुटपाथवर बलात्कार करण्यात आला. ही घटना आरटीओ ऑफिस शेजारी असणाऱ्या मोकळ्या मैदानात हा सर्व प्रकार घडला. याप्रकरणी चार जणांविरोधात गुन्हा दाखल करण्यात आला आहे. 25 आणि 26 एप्रिल च्या रात्री हा सर्व प्रकार घडला. 30 वर्षीय महिलेने या प्रकरणी पोलिसांत तक्रार दिली असून पोलिसांनी 4 नराधमा विरोधात गुन्हा दाखल करण्यात आला आहे. आरोपी हे फिर्यादीचे नातेवाईक असल्याचे तक्रारीत म्हटले आहे.
या प्रकरणी अधिक माहिती अशी की, 30 वर्षीय फिर्यादी महिला ही भीक मागून स्वतःचा आणि कुटुंबाचा उदरनिर्वाह करतात. फुलेनगर येथील आरटीओ ऑफिसच्या शेजारी असणाऱ्या मोकळ्या मैदानात त्या कुटुंबासह राहतात. 25 एप्रिल च्या रात्री त्या जेवण करून फुटपाथवर झोपल्या असताना रात्री बारा वाजण्याच्या सुमारास ती महिला लघुशंखेसाठी गेल्या असताना एका आरोपीने त्यांना पकडून जबरदस्तीने त्यांच्यासोबत शारीरिक संबंध केले. येरवडा पोलिसांनी या प्रकरणी गुन्हा दाखल केला असून अधिक तपास सुरू आहे.