✒️प्रविण जगताप, वर्धा उपजिल्हा प्रतिनिधी
मोबा. न. 9284981757
महाराष्ट्र संदेश न्युज ! ऑनलाईन वडनेर:- दिनांक 28 एप्रिल रोजी चारचाकी वाहनाने अवैधरित्या देशी – विदेशी दारूचा माल भरून दारूबंदी असलेल्या वर्धा जिल्ह्यात येत असल्या बाबत मुखबीरकडून खात्रीशीर माहिती मिळाल्याने मौजा वडनेर शिवारातील सिरसगाव फाटा येथे सापळा रचून नाकेबंदी केली असता मिळालेल्या माहिती प्रमाणे पांढ-या रंगाची स्विफ्ट कार क्र. एमएच -46 / एएल -9295 हे चारचाकी वाहन येतांना दिसली सदर वाहनास थांबविण्याचा प्रयत्न केला असता वाहन चालक वाहन घटनास्थळी सोडुन पळुन गेला. वाहनाची झडती घेतली असता 1) ऑफिसर चॉईस ब्ल्यू कंपनीच्या विदेशी दारूने भरलेल्या 180 एम.एल. च्या 48 सीलबंद शिश्या किं.14,400 / -रु . 2)गोवा कंपनीच्या देशी दारूने भरलेल्या 180 एम.एल.च्या 192 शिश्या कि.28,800/-रू. 3)एक जुनी वापरती स्विफ्ट कार क्र . एमएच -46 एएल -9295 किंमत 4,50,000/ – रु.असा जु.कि. 4,93,200/ – रु . चा माल मिळून आल्याने सदर माल जप्त करून स्विफ्ट कार क्र. एम एच -46 एएल -9295 चा चालक ( फरार ) आरोपी विरुद्ध पोलीस स्टेशन स्टेशन वडनेर येथे दारूबंदी कायद्यान्वये कार्यवाही करण्यात आली.
सदरची कामगिरी पोलीस अधीक्षक नुरूल हसन, अपर पोलीस अधीक्षक सागर कवडे यांचे मार्गदर्शनात उपविभागीय पोलिस अधिकारी दिनेश कदम यांच्या निर्देशानुसार संजय मिश्रा ठाणेदार वडनेर, पो.उप.नि. अभिषेक बागडे, स.फौ. प्रेमराज अवचट, पो.ना. अजय वानखेडे, पो.हवा.सचिन रोकडे यांनी पार पाडली .