संदिप सुरडकर नागपुर जिल्हा प्रतिनिधी
महाराष्ट्र संदेश न्युज ! ऑनलाईन नागपुर:- शासनाने सर्व प्रकारच्या सुगंधित तंबाखूची विक्री करण्याचा प्रतिबंध केला आहे. तरी नागपुर शहरातील एका बिल्डींगच्या पार्किंगमध्ये अवैधरित्या तंबाखूचा कारखाना मागील अनेक दिवसापासून सुरू होता. या कारखान्यावर नागपूर गुन्हे शाखेच्या पथकाने छापा टाकून मोठ्या प्रमाणात मुद्देमाल जप्त केला आहे. त्यामुळे अवैध तंबाखू गुटखा विक्री करणाऱ्याचे चांगलेच धागे दणकावले आहे.
नागपूर शहरातील लकडगंज पोलीस स्टेशन हद्दीतील येनुरकर बिल्डिंगमध्ये पार्किंग परिसरात प्रतिबंधित सुगंधित तंबाखूचा कारखाना सुरू होता. नागपूर गुन्हे शाखेला ही माहिती मिळताच या कारखान्यावर छापा टाकून कारसह 18 लाख किमतीचा सुगंधित तंबाखूचा साठा पोलिसांनी जप्त केला. याप्रकरणी आरोपी रुपेश नंदनवार व दत्तू सराटकर यांना अटक करण्यात आली आहे.
यावेळी पोलिसांनी केलेल्या कारवाईत तंबाखूनी भरलेले 22 पोटे मिळून आले. या सुगंधित तंबाखूची किंमत 12 लाख रुपये एवढी आहे. या कारखान्याच्या सूत्रधार दुर्गेश अग्रवाल असून गेल्या काही महिन्यांपासून दुर्गेश प्रतिबंधित सुगंधित तंबाखूचा कारखाना चालवित होता. या ठिकाणाहून पोलिसांनी कार, सुगंधित तंबाखू, मशीन, रिकामी पाकिटे, झाकन आदी साहित्य जप्त केले आहे. तर या कारखान्याच्या सूत्रधार दुर्गेश अग्रवाल फरार असून त्याच्या शोध पोलीस घेत आहेत.