सौ. हनिशा दुधे, बल्लारपूर तालुका प्रतिनिधी
महाराष्ट्र संदेश न्युज ! ऑनलाईन चंद्रपूर:- जिल्हातील नागभीड येथून एक भीषण अपघाताची घटना समोर आली आहे. नागभीड तालुक्यातील कानपाजवळ ट्रॕव्हल्स आणि कारमध्ये झालेल्या या भीषण अपघातात 5 नागरिक जागीच ठार तर 1 जण गंभीर जखमी आहे. मृतात 2 पुरूष व 3 महिलांचा समावेश आहे. ही घटना रविवारी 3 वाजताच्या सुमारास घडली. मृतक नागपूर येथील रहिवासी आहेत. मृतकांची ओळख अद्याप पटली नाही.
नागपूर येथील एक कुटुंब MH 49 – BR 2242 या अल्टो कारने नागपूर वरून नागभीडकडे येत होते. त्याचवेळी एआरबी कंपनीची MH 33 T 2677 ही ट्रॕव्हल्स नागभीड येथून नागपूर कडे जात होती. ट्रॕव्हल्सने कानपागाव ओलांडल्यानंतर नागभीडकडे येत असलेल्या कारच्या चालकाचे वाहनावरील नियंत्रण सुटले आणि कारने ट्रॕव्हल्सला जोरदार धडक दिली. ही धडक एवढी भीषण होती की, या धडकेत कारच्या समोरील भागाचा पूर्ण चेंदामेंदा झाला. मागच्या सीटवर बसलेली एक महिला धक्क्याने एकदम समोर आली. आणि त्यात अनेक नागरिक मृत्युमुखी पडले.या अपघाताची माहिती घटनास्थळी दाखल झालेल्या नागरिकांनी पोलिसाना दिली. माहिती मिळताच पोलीस फौजफाट्यासह तातडीने घटनस्थळी दाखल झाले. गॕस कटरने दरवाजे तोडून मृतदेह बाहेर काढावी लागली.
