श्याम भुतडा, बीड जिल्हा प्रतिनिधी
महाराष्ट्र संदेश न्युज ! ऑनलाईन बीड:- येथून एक दुर्दैवी आणि काळीज हेलावणारी घटना समोर आली आहे. इयत्ता 9 व्या वर्गात शिक्षण घेत असलेल्या एका विद्यार्थीनीचा वर्गातच हृदयविकाराच्या धक्क्याने मृत्यू झाला. ही घटना शुक्रवारी सकाळी घडली. सदर विद्यार्थीनीने काही दिवसांपूर्वीच शाळा, ट्युशन यामुळे ताण येत असल्याचे पालकांना सांगितले होते. त्यावर पालकांनी शाळाही बदलण्याचा निर्णय घेतला होता. तत्पूर्वीच ही घटना घडली. शेख रमशा असे या मुलीचे नाव असून ही शहरातील एका इंग्रजी माध्यमाच्या शाळेत नववीच्या वर्गात शिक्षण घेत होती.
दिनांक 28 जुलै शुक्रवारला ती नेहमीप्रमाणे शाळेत गेली. वर्गात पहिल्याच क्रमांकाच्या डेस्कवर बसली होती. यादरम्यान तिने डेक्सवरच मान टाकली. तिला तत्काळ एका खासगी रुग्णालयात दाखल करण्यात आले. परंतु डॉक्टरांनी तिला मृत घोषीत केले. या संदर्भात मुलीच्या वडिलांशी संपर्क साधला असता त्यांनी घटनेला दुजोरा दिला. गुरुवारी रात्री रमशा शेख ही रात्री १वाजेपर्यंत होमवर्क करत होती. शाळ आणि ट्युशन यामुळे आपल्याला ताण येत असल्याचे तिने पालकांना सांगितले होते. यामुळे त्यांनी शाळा बदलण्याचाही निर्णय घेतला होता. परंतु तत्पूर्वीच तिचा मृत्यू झाल्याने हळहळ व्यक्त होत आहे.
गेल्या काही वर्षांमध्ये परीक्षेमध्ये जास्तीतजास्त मार्क मिळवण्याची स्पर्धा सुरू झाली आहे. विद्यार्थ्यांचे जीवन म्हणजे शाळा-कॉलेज आणि शिकवण्या याशिवाय दुसरं काही नसतं. आज प्रत्येक विद्यार्थ्यांमध्ये एक सामायिक गोष्ट असते, ती म्हणजे चांगले मार्क मिळवण्याचा ताण. विद्यार्थ्यांच्या मनात मार्कांचं महत्त्व इतकं काही रुजवलेलं असतं, की चांगले मार्क मिळाले नाहीत, तर जणू आयुष्य फोल वाटायला लागतं. याच कारणामुळे त्यांचं आयुष्य शाळा- कॉलेज भोवतीच फिरत राहतं. त्यामुळे अनेक विद्यार्थांनी आत्महत्या सारखं पाऊल उचलले आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348