मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट:- वर्धा जिल्ह्याकरीता राज्य सरकार द्वारा घोषित शासकीय वैद्यकीय महाविद्यालय हिंगणघाट शहरात होण्याकरीता शासकीय वैद्यकीय महाविद्यालय महीला कृती समितीचा संघर्ष भर पावसाळ्यात उन्ह पाऊस वारा झेलत सुरू आहे. स्थानीक डॉ. बाबासाहेब आंबेडकर चौक येथे आयोजित धरने आंदोलनाचा काल ६२ वा दिवस होता. मेडिकल कॉलेज करीता महिलांच्या कार्यक्रमात ठरल्याप्रमाणे दर रविवारी काही वेगळे आंदोलन करण्यात येते. ह्या रविवारी महिलांनी कपाळावर काळे तीलक लाऊन सरकार आणि स्थानिक प्रतिनिधी ह्यांचा निषेध केला.
हिंगणघाट येथे सुरू असलेल्या या आंदोलनात वेगवेगळे वळण, टप्पे आणि यशही या आंदोलनाला मिळाले आहे, त्यामध्ये वर्धा आणि अमरावती चे ठिकाणाला तात्पुरती स्थगिती हे प्रमुख उपलब्धि आहे. तसेच विरोधी पक्ष नेते श्री जयंत पाटील व हिंगणघाट विधानसभेचे आमदार समीर कुणावर ह्यांनी या प्रश्न विधानसभेत उपस्थित करून हिंगणघाट शासकीय वैद्यकीय महाविद्यालय हिंगणघाट मध्ये जनतेची मागणी आहे. त्यावर प्रतिउत्तर म्हणून उपमुख्यमंत्री ना. देवेंद्र फडणवीस ह्यांनी समिती स्थापित करूंन कॉलेजचे ठिकाण निश्चित करण्यात येण्याचे संगितले अशा रीतीने आशावाद निर्माण होताना दिसत आहे;
यावेळी महिला कृती समितीच्या सीमा मेश्राम ह्यांनी आंदोलन तसेच पुढे रेटायचे ठरवले. त्यानुसार ६२ व्यां दिवशी महिलांनी स्वतःचे कपाळावर काळे तिलक लाऊन प्रशासन आणि स्थानिक लोक प्रतिनिधींना आपला रोष दाखवला. वैद्यकीय महविद्यालय हिंगणघाट मध्ये येण्यास फक्त सदनात प्रश्न मांडून नाही तर सुयोजित कृती कराव्यात अन्यथा आंदोलन पुढे ढकलण्याचा इशारा शासकीय वैद्यकीय महाविद्यालय महीला कृती समितीनी दिला. काळा तिलक हा विनाशक चिन्ह असूनही महिलांनी ते कपाळावर लावले हे प्रामुख्याने नोंद घेण्यासारखे आहे.
यामध्ये प्रामुख्याने सावित्रीच्या लेकी सामाजिक संस्थाच्या सीमा मेश्राम, निर्मला भोंगाडे, सुषमा पाटील, राजश्री बांबोळे, मोना फुलझेले, प्रमोदिनी नगराळे, योजना वासेकर, लता साखरकर, संध्या जगताप, लीना नगराळे, तेजस्विनी पाटील, भारती वैद्य, भाग्यश्री नगराळे, सुरेख मेश्राम, शारदा जामुनकर, वंदना भगत, प्रेरणा भगत, प्रीती चव्हाण उपस्थित होत्या तर पुरुषांपैकी श्याम इडपवर, हर्षल गुण्डे, सुरेंद्र टेंभुरणे, प्रफुल मेश्राम, संदेश मून इत्यादी उपस्थित होते.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
