जिल्हा परिषद अंतर्गत व PWD अशा सबंधित विभागाने गांभीर्याने लक्ष देण्याची गरज आहे: अतुल वांदिले प्रदेश सरचिटणीस रा. काँ. पार्टी
प्रविण जगताप वर्धा उपजिल्हा प्रतिनिधी
महाराष्ट्र संदेश न्युज ! ऑनलाईन हिंगणघाट:- हिंगणघाट तालुक्यातील हिवरा, बोपापुर, सुल्तानपूर अशा जवळ जवळ ११ ठिकाणी लहान मोठे पुल कुठे खरडून तर कुठे सरसकट वाहून गेला ते तात्काळ दुरुस्ती करावी यासाठी आज उपविभागीय अधिकारी श्री विनायक महामुनी यांना राष्ट्रवादी काँग्रेस पक्षा तर्फे निवेदन देण्यात आले.
हिंगणघाट तालुक्यात अतिवृष्टीमुळे झालेल्या पावसांने अनेक ठिकाणी पूल पूर्ण वाहून गेला तर काही ठिकाणी खरडून निघाला यामुळे ग्रामीण भागातील लोकांचा शहराशी संपर्क तुटला असून शाळेतील विद्यार्थ्यांना शाळेत जाण्यासाठी स्कूल बस, २ चाकी, ४ चाकी वाहने ये-जा करू शकत नाही आहे तसेच शहरात कोणत्याही कामासाठी जाण्याकरिता कोणतेही वाहन जात नसल्यामुळे मोठी फजिती ग्रामीण भागातील लोकांची होत आहे, विद्यार्थी शिक्षणापासून वंचित राहत आहे यासाठी प्रशासन व शासनाने याकडे गांभीर्याने लक्ष देऊन पुलाची तात्काळ दुरुस्ती करावी व नवीन कॉलमचे पूल बनवावे जेणे करून पुल वाहून जाणार नाही.
तसेच तालुक्यात अतिवृष्टीमुळे ग्रामीण भागात अनेकांचे घरा- घरात पाणी शिरले, अनेकांचे घरे सुद्धा कोसळून पडले आहे. अतिवृष्टीमुळे शेतकऱ्यांच्या शेतामध्ये पाणी जमा झाल्यामुळे पिकाचे मोठ्या प्रमाणात नुकसान झाले असून त्यांना शासनाकडून नुकसान भरपाईची त्वरित आवश्यकता आहे. तालुक्यात ग्रामीण भागात जवळ जवळ ११ पुले खचून गेले तर कुठे खरडून तर पूर्णपणे वाहून गेले आहे. हिंगणघाट तालुक्यातील वडणेर लगतच्या बेघर वस्ती हिवरा, बोपापुर, तसेच सुलतानपूर अशा अनेक गावाचे शहराशी संपर्क तुटला आहे. याविषयावर जातीने लक्ष घालून तात्काळ या कामाचे आदेश संबधित विभागाला देण्यात यावे अशी मागणी राष्ट्रवादी काँग्रेस पक्षाने केली आहे. तसेच सतत मुसळधार पावसामुळे झालेल्या नुकसानाचे पंचनामे करून शेतकऱ्यांना तात्काळ मदत करा. अशी मागणी राष्ट्रवादी काँग्रेस पक्षाने केली आहे.
यावेळी राष्ट्रवादी काँग्रेस पक्षाचे प्रदेश सरचिटणीस अतुल वांदिले, जिल्हाध्यक्ष सुनील राऊत, ओबीसी जिल्हाध्यक्ष प्रशांत घवघवे, अमोल बोरकर, जिल्हा सरचिटणीस दशरथ ठाकरे, ग्रा. प. सदस्य गुरूद्यायालसिंग जुनी, अमोल चंदनखेडे वडनेर सर्कल, अल्पसंख्याक जिल्हा उपाध्यक्ष जावेद मिर्झा, सुनील भुते, किशोर चांभारे, प्रशांत एकोनकर, सुशील घोडे,राजु मुडे, सतीश कारमोरे, राकीट सैयद, प्रज्वल भगत आदी उपस्थित होते.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348