संदिप सुरडकर नागपुर जिल्हा प्रतिनिधी
महाराष्ट्र संदेश न्युज ! ऑनलाईन नागपूर:- येथून एक खळबळजनक घटना समोर आली आहे. येथील एका खासगी रुग्णालयात परीचारिका म्हणून काम करणाऱ्या एका विवाहितेने गळफास घेऊन आत्महत्या केल्याने एकच खळबळ माजली आहे.
आपल्या परिवाराच्या विरोधात जाऊन तिने प्रेमविवाह केला. हा प्रेमविवाह अयशस्वी झाल्याने तिने खळबळजनक पाऊल उचलले मग या नव विवाहितेने आपल्या घरात गळफास घेऊन आत्महत्या केली. सीमरन लक्ष्मण महाकाळे वय 22 वर्ष रा. रामटेकेनगर असे आत्महत्या केलेला महिलाच नाव आहे.
पोलिसांनी दिलेल्या माहितीनुसार, मृतक सीमरन महाकाळे वय 22 वर्ष विवाहित महिला बेसा येथील एका पॅथॉलॉजीमध्ये परीचारिका म्हणून नोकरीवर होती. दरम्यान तिची अक्षय नकोसे या तरुणाशी ओळख झाली. आणि दोघांचे प्रेमसंबंध फुलले. त्यात परिवाराचा विरोध झुगारून दोघांनी प्रेम विवाह करण्याचा निर्णय घेतला. लग्नानंतर सीमरनने नर्सिग कोर्सला प्रवेश घेतला. दरम्यान तिचे आणि पतीचे पटत नव्हते. चारित्र्याच्या संशयावरून पती मारहाण करीत असल्याची तक्रार ती आईकडे करीत होती. त्यामुळे ती माहेरी परत आली. ती प्रेमविवाह टिकू न शकल्याने नैराश्यात गेली.
ती एकाकी राहायला लागली. त्यानंतर तिची एका तरुणा बरोबर ओळख झाली. त्या युवकाने तिला प्रेमाच्या जाळ्यात ओढले. त्याने लग्न करण्याचे आमिष दाखवले. दोघांमध्ये कोणत्यातरी गोष्टीवर वाद झाला. त्यामुळे ती निराश होती. सिमरनने शुक्रवारी सायंकाळी घरात ओढनीने गळफास घेऊन आत्महत्या केली. या प्रकरणी अजनी पोलिसांनी आकस्मिक मृत्यूची नोंद केली. पुढील तपास पोलीस करत आहे.
