नागपूरच्या एमआयडीसी पोलीस स्टेशन हद्दीतील घटना
देवेंद्र सिरसाट, हिंगणा नागपूर प्रतिनिधी
महाराष्ट्र संदेश न्युज ! ऑनलाईन नागपुर:- शहरात गुन्हेगारी मोठ्या प्रमाणात वाढ झाल्याचे दिसून येत आहे. नागपुर शहर पोलीस अंतर्गत येत असलेल्या एमआयडीसी पोलीस स्टेशन हद्दीतील राजीव नगर येथे खळबळजनक घटना समोर आली आहे. येथे दोन मित्रांवर सात ते आठ जणांनी धारदार शस्त्राने हल्ला केला. मात्र या हल्ला कोणत्या कारणाने करण्यात आला याचे कारण कळू शकले नाही.
राजीवनगर बस स्टॉप जवळ असलेल्या एका पान टपरीवर बसलेल्या दोन मित्रांवर सात ते आठ हल्लेखोरांनी धारदार शस्त्राने हल्ला केल्याची घटना बुधवारी ता. 16 रात्री 9.30 वाजताच्या सुमारास घडली. यामध्ये एकाचा मृत्यू झाला असून दुसरा गंभीर जखमीरित्या झाला असून त्याचावर रुग्णालयात उपचार सुरू आहे. पोलिस पुढील तपास करत आहेत.
या हल्ल्यात राकेश मिश्रा वय 27 वर्ष याचा खाजगी रुग्णालयात उपचारा दरम्यान मृत्यू झाला आहे. रवी जयस्वाल वय 28 वर्ष दोघेही रा. राजीवनगर, हिंगणा रोड नागपूर याच्यावर रुग्णालयात उपचार सुरू आहेत. दोघेही या भागात आरटीओशी संबंधित कागदपत्रे तयार करण्याचे काम करत होते.
राकेश आणि रवी हे दोघे मित्र दररोज सायंकाळी बसस्टॉपवर येऊन बाजूला एका टपरीवर बसायचे. बुधवारी रात्री पण तिथे बसले होते. काही अंतरावर कारमधून 6 ते 7 जण उतरले. त्यांनी तोंडाला रुमाल बांधले होते. राकेश आणि रवीच्या जवळ येऊन त्यांनी अचानक धारदार हत्याराने सपासप वार सुरु केले. राकेश हा जखमी होऊन जागीच निपचित पडला. तर रवी हा जीव वाचवण्यासाठी बाजूला असलेल्या एका महिला डॉक्टरच्या क्लिनिकमध्ये घुसला आणि काचेचे केबिन आतून बंद करुन घेतले. आरोपी त्याचा पाठलाग करत तिथे पोहोचले. त्यांनी काचेची केबिन फोडून आतमध्ये घुसून रुग्ण आणि डॉक्टर समोरच त्यालाही गंभीर जखमी केले आणि कारमध्ये बसून फरार झाले.
या घटनेची माहिती मिळताच एमआयडीसी पोलिस ताप्यासह पोलीस निरीक्षक भीमा नरके घटनास्थळी दाखल झाले आणि जखमींना लता मंगेशकर रुग्णालयात उपचारासाठी पाठवण्यात आले. हा हल्ला नेमका कशासाठी झाला हे कळू शकलेले नाही. हल्ल्यानंतर आरोपी फरार झाले आहेत. पोलिस आरोपींचा शोध घेत आहेत.
