आशिष अंबादे, वर्धा जिल्हा प्रतिनिधी
8888630841
महाराष्ट्र संदेश न्युज ! ऑनलाईन वर्धा:- येथून एक खळबळजनक घटना समोर आली आहे. बनावट शासकीय प्रमाणपत्राचा बनवणाऱ्या टोळीचा भांडाफोड झाला. त्यामुळे वर्धा जिल्हात आता किती बनावटी शासकीय प्रमाणपत्राचा वापर होणार याचा काही नेम नाही.
शासनाने अनेक शासकीय प्रमाणपत्र मिळण्यासाठी ऑनलाईन सेंटर सुरू करण्यास परवानगी देण्यात आली आहे. त्यामुळे अमरावती येथील विकास कुंभेकर याने वर्धा येथील जिल्हाधिकारी कार्यालय परिसरात व्ही.एस. ऑनलाईन सर्व्हिस सेंटर सुरू केले होते. या ठिकाणी तो गरजेची विविध शासकीय प्रमाणपत्रे भरमसाठ शुल्क आकारून तयार करायचा.
महाविद्यालयात शिक्षण घेणाऱ्या विद्यार्थी नितीन मुकुंद सुळे याने विकास कुंभेकर याच्या व्ही.एस. ऑनलाईन सर्व्हिस सेंटर येथून उत्पन्नाचा दाखला काढला. तो दाखला महाविद्यालयीन पडताळणीत बनावट असल्याचे सिद्ध झाले. हे माहीत होताच विद्यार्थांच्या पालकाने थेट हे बनावटी प्रमाणपत्र जिल्हाधिकारी राहुल कर्डिले यांना व्हॉट्सअॅपवर पाठविले. त्यामुळे या व्यक्तीवर कारवाई करा असे आदेश प्रशासनाला जिल्हाधिकारी राहुल कर्डिले यांनी दिले होते. त्यानंतर तहसीलदार रमेश कोळपे यांनी पोलिसांची मदत घेत या ऑनलाईन सेंटरवर छापा टाकला. त्यावेळी बनावट शपथपत्र व अन्य कागदपत्रे आढलून आली. तसेच यावेळी तीन लॅपटॉप, प्रिंटर, एक चारचाकी जप्त करण्यात आली.
आरोपी कुंभेकर हा शासकीय अधिकाऱ्यांच्या डिजिटल स्वाक्षरी कॉपी करीत त्या प्रमाणपत्रावर पेस्ट करीत होता. गत अनेक महिन्यांपासून तो हा गोरखधंदा करीत असल्याचे निष्पन्न झाले आहे. त्याला, तसेच त्याची पत्नी व दोन ऑपरेटर अश्या चौघांना अटक करण्यात आली आहे. या कारवाईत महआईटी, माहिती तंत्रज्ञान, महसूल विभागाचे अधिकारी सहभागी झाले होते.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348