गोंडपिपरी काँग्रेसने साधला शिरशी, बेरडी व वडकुली येथील शेतातील शेतकरी व शेतमजुरांशी संवाद.
राजेंद्र झाडे, चंद्रपूर उपजिल्हा प्रतीनीधी
मो नंबर 9518368177
महाराष्ट्र संदेश न्युज ! ऑनलाईन चंद्रपूर:- महाराष्ट्र राज्यातील संपूर्ण जिल्ह्यासह तालुक्यातील विविध ठिकाणी गावागावात कालपासून काँग्रेसच्या जनसंवाद पदयात्रेला प्रारंभ झाला. गोंडपिपरी तालुक्यातील काल झालेल्या आक्सापूर मुक्कामी पदयात्रेतील कार्यकर्त्यांनी आज दुसऱ्या दिवशी शेकडोच्या संख्येने उत्साहात शिर्शी बेरडी व वडकुली मार्गे पदयात्रा निघाली.
दरम्यान गावागावात केंद्र सरकार व राज्य सरकार कडून होत असलेले अन्याय, अत्याचार, बेरोजगारी, भ्रष्टाचारी, महागाई याबद्दलचे जनजागृती करणारे परिपत्रके वाटून, कॉर्नर सभा घेवून नागरिकांशी संवाद साधण्यात आला. यावेळी काँग्रेसच्या कार्यकर्त्यांनी थेट शेतकऱ्यांच्या बांधावर जाऊन शेतकऱ्यांशी व शेतातील शेतमजुराशी संवाद साधून हुकुमशाही सरकारचा पाढा वाचला व जनजागृती करणारे परिपत्रके वाटली.
याप्रसंगी अरुण धोटे सह तालुक्यातील बाजार समितीचे संचालक, नगरपंचायतीचे पदाधिकारी, तालुक्यातील विविध सेलचे काँग्रेसचे नेते, कार्यकर्ते, परिसरातील व स्थानिक गावातील सरपंच, उपसरपंच, सदस्य व जनसंवाद पदयात्रेत सहभागी शेकडो कार्यकर्ते उपस्थित होते.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
