पल्लवी मेश्राम नागपुर शहर प्रतिनिधी
महाराष्ट्र संदेश न्युज ! ऑनलाईन नागपूर:- शहरात भारतीय जनता पक्षाच्या वतीने कमाल चौक उत्तर नगपुर मध्ये आयोजित करण्यात आलेल्या दही हंडी उत्सवात राज्याचे उपमुख्यमंत्री देवेंद्र फडणवीस यांनी हजेरी लावली. यावेळी हजारोच्या संख्येने भाजपा कार्यकर्ते नेते मंडळी उपस्थित होती. यावेळी उपमुख्यमंत्री देवेंद्र फडणवीस यांनी स्टेजवर महाराष्ट्राच्या सर्वांगीण विकासाची दहीहंडी फोडत जन्माष्टमीच्या सर्वांना शुभेच्छा दिल्या. यावेळी आमदार प्रवीण दटके, तूली एम्पायर के संचालन नवनीत सिंग तूली आणि पंकज सोनकर यांची उपस्थिती होती.
नागपुरातील कमाल चौक येथील भाजप पक्षाच्या वतीने आयोजित दहीहंडीला उपमुख्यमंत्री देवेंद्र फडणवीस यांनी भेट दिली. यावेळी फडणवीस म्हणाले, दहीहंडी सण चांगल्या प्रकारे साजरा झाला असून यापुढंही निर्विवाद चांगला होणार आहे.
भाजपतर्फे आयोजित दहीहंडी उत्सवाला नागपुरात उत्स्फूर्त प्रतिसाद मिळाला. या दहीहंडी उत्सवाचं दणक्यात आयोजन करण्यात आलं आहे. या दहीहंडी उत्सवाला सकाळपासूनच अनेक गोविंदा पथकांनी हजेरी लावत थरांची सलामी दिली. यावेळी शेकडो कार्यकर्ते, पदाधिकारी व नागरिक उपस्थित होते.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
