संदीप सुरडकर, नागपूर जिल्हा प्रतिनिधी
महाराष्ट्र संदेश न्यूज! ऑनलाइन नागपूर:- जिल्हातून कन्हान पोलिस स्टेशन परिसरातून एक खळबळजनक व्हिडिओ व्हायरल होत आहे. त्यात एक रक्ताने माखलेल्या अवस्थेत कन्हान पोलिसांवर मारहाण केल्याचा आरोप करत आहे. यावेळी या परिसरात अनेक नागरिक उपस्थित असल्याचे या व्हिडिओ मध्ये दिसून येत आहे.
नागपूर जवळील कन्हान मध्ये पोलिसांची कृरता तरुणाला बेदम मारहाणीचा व्हिडिओ व्हायरल.
एका तरुणाला बेदम मारहाण करण्याचा व्हिडिओ सोशल मीडियावर तुफान वायरल होत आहे. त्यामुळे नागपुर पोलिसांच्या कृतीवर सर्व स्तरावरून टीका करण्यात येत आहे. एका प्रकरणात शनिवारी कन्हान पोलिसांनी एका तरुणाला बेदम मारहाण केली.
याप्रकरणी पीडेतेचा भाऊ जिगर कनोजिया यांनी माहिती दिली की, पोलिसांनी त्याच्या भावाला कन्हान पोलीस ठाण्यात बोलावले, मात्र त्यांनी त्याला मारहाण केली. या मारहाणीत त्याच मोठ्या प्रमाणात रक्तस्राव झाला आहे.
यावेळी पिढीत तरुणाच्या भावाने पोलिसांवर गंभीर आरोप केले. याआधी कन्हान पोलीस स्टेशन मधील पोलिसांनी त्याच्याकडून १०,००० रुपये घेतले होते. आता पोलीस ठाण्यातील इतर पोलीस आमच्याकडे ५०,००० रुपयांची मागणी करत असल्याचे आरोप पिडिताच्या भावाने केला आहे. आम्ही नकार दिल्याने त्यांनी माझ्या भावाला मारहाण केली.
