🖊️प्रविण जगताप, वर्धा उपजिल्हा प्रतिनिधी
महाराष्ट्र संदेश न्यूज ! ऑनलाईन वर्धा :- जिल्हातून एक खळबळजनक घटना समोर आली आहे. आदिवासी आश्रम शाळेतील कर्मचाऱ्याने केला विद्यार्थीनींचा विनयभंग केला आहे ही घटना समोर येताच संपूर्ण जिल्हात मोठ्या प्रमाणात संताप व्यक्त करण्यात येत आहे.
आदिवासी आश्रम शाळेतील कर्मचाऱ्याने विद्यार्थीनींचा विनयभंग केल्याची घटना देवळी तालुक्यातील नवजीवन आश्रम शाळेत घडली देवळी तालुक्यातील नवजीवन आश्रमशाळेतील पुरुष स्वयंपाकी हा पाचव्या वर्गातील मुलींसोबत अश्लिल चाळे करीत असून वाह्यात शब्दात मुलींशी बोलत असल्याने तेथील संपूर्ण मुली भयग्रस्त झाल्या आहेत. या सर्वांनी त्यांच्यावर ओढावलेला हा भयावह प्रसंग रडत रडत शाळेतील अधिक्षकांकडे कथन केला.
नवजीवन आश्रम शाळेतील मुलींचा वारंवार विनयभंग होत असल्याबाबतचा धक्कादायक प्रकार दस्तुरखुद्द शाळेतीलच महिला अधिक्षकांनी उजेडात आणला. यासंदर्भात देवळी पोलिसांत तक्रार दाखल करण्यात आली असून पोलीस सध्या अधिक चौकशी करीत आहेत.
सदर कर्मचाऱ्याला कठोर शिक्षा व्हावी तसेच आश्रम शाळेतील विद्यार्थीनींना संरक्षण मिळावे, अशी मागणी अधिक्षीकेने देवळी पोलीसांकडे निवेदनाद्वारे केली. या तक्रारीवर सध्या चौकशी सुरू आहे.
सदर वादग्रस्त आश्रमशाळा ही एका आमदाराच्या जवळच्या व्यकती ची असल्याचे सांगितले जाते. त्यामुळे सदर प्रकरण दडपले तर जाणार नाही ना.. अशी शंका देवळी तालुक्यात उपस्थित होत आहेत.
