🖊️प्रविण जगताप, वर्धा उपजिल्हा प्रतिनिधी
मो . 9284981757
महाराष्ट्र संदेश न्यूज ! ऑनलाईन समुद्रपूर:- पोलीस स्टेशन समुद्रपूर येथील पोलीस अधिकारी व कर्मचारी व गृहरक्षक दलाच्या जवानांनी नवरात्री बंदोबस्त दरम्यान समुद्रपूर पोलीस स्टेशनच्या हद्दीत येणाऱ्या वायगाव गोंड पारधी बेड़ा येथे दि.13 ऑक्टोंबर रोजी प्रभावी वॉशआउट मोहिम राबविली असता, मोहिमेदरम्यान पारधी बेड्यालगत असलेल्या झुडपी शिवारातून 23 प्लास्टीक व लोखंडी ड्रममधील 3,700 लीटर मोहा सडवा रसायण, 120 ली गावठी मोहा दारू व भट्टी साहित्य असा जु.किं. 2,08,800 रू. चा मुद्देमाल जप्त करून जागीच नाश केला. सदर मोहिमेदरम्यान आरोपी शिल्पा असुंदराज भोसले, सोनी अनंत भोसले, शिला विलास भोसले, वय 32 सर्व रा. वायगाव गोंड पारधी बेडा, तह. समुद्रपूर यांचेवर दारूबंदी कायद्यान्वये कार्यवाही करण्यात आली.
सदरची कार्यवाही पोलीस अधिक्षक नुरूल हसन, अपर पोलीस अधिक्षक डॉ सागर कवडे, उपविभागीय पोलीस अधिकारी रोशन पंडित यांचे मार्गदर्शनात पोलीस स्टेशन समुद्रपूरचे ठाणेदार स.पो.नि. एस. बी. शेगांवकर यांचे निर्देशाप्रमाणे पो.उप.नी. पंकज मसराम, पो.हवा. अरविंद येनुरकर, पो.ना. रवि पुरोहित, राजेश शेंडे, सचिन भारशंकर, पो.अं. वैभव चरडे, व गृहरक्षक दलाचे 05 जवानांनी केली.

