समर्पण फाऊँडेशन सावनेर तर्फे भव्य रोगनिदान, रक्तदान व मोफत औषधोपचार शिबिर संपन्न.

1000 च्या वर लोकांची तपासणी व मोफत औषध वितरण

अनिल अडकिने सावनेर तालुका प्रतिनिधी
मो नं -9822724136

महाराष्ट्र संदेश न्युज ! ऑनलाईन सावनेर 22 ऑक्टोंबर:- लोकसेवा हाच एकमेव ध्येय ठरवून सातत्याने लोकहिताचे विविध उपक्रम राबविणारी तालुक्यातील अग्रणी सामाजिक संस्था समर्पण फाऊँडेशन सावनेर तर्फे आज प्रगती नवदुर्गा मंडळ होळीचौक येथे भव्य रोगनिदान व मोफत औषधोपचार शिबिर आयोजित करण्यात आले.

या शिबिराचे वैशिष्ट्य म्हणजे शिबिरात एलोपॅथिक, होमिओपॅथिक व आयुर्वेदिक या तिन्ही चिकित्सा पद्धती एकाच ठिकाणी नागरिकांना उपलब्ध झाल्या. या आरोग्य शिबिरात रुग्ण तपासणी करून रुग्णांना आवश्यक त्या औषधी देखील समर्पण फाऊँडेशन तर्फे मोफत वितरित करण्यात आल्या.

या बरोबरच 60 रक्तदात्यांनी आज आयोजित रक्तदान शिबिरात रक्तदान केले. शिबिरात तज्ञ चिकित्सकांकडून नेत्र तपासणी, दंत तपासणी, चर्मरोग तपासणी, बालरोग तपासणी, स्त्रीरोग तपासणी, मोफत बीपी, शुगर तपासणी करण्यात आली. तसेच तज्ञ चिकित्सका कडून होमिओपॅथिक औषधोपचार व त्याचबरोबर आपली प्राचीन भारतीय चिकित्सका पद्धती आयुर्वेद या द्वारे देखील तज्ञ आयुर्वेदिक चिकित्सकांकडून औषधोपचार शिबिरात आलेल्या रुग्णांवर करण्यात आले.

या शिबिराच्या उद्घाटनला माजी आमदार सुधाकर कोहळे, अशोक धोटे, डाॅ.राजीव पोतदार, डाॅ. विजय धोटे, अरविंद गजभिये अतिथी म्हणून उपस्थित होते. या शिबिराचे नियोजन समर्पण फाउंडेशनचे सदस्य सर्वश्री अभिषेक मुलमुले, तुषार उमाटे, डाॅ. विलास मानकर, डाॅ नितिन पोटोडे, विनोदकुमार बागडे, डाॅ. राहुल दाते, अभिषेक गहरवार,मंदार मंगळे, प्रवीण नारेकर, सोनू नवधिंगे यानी अतिशय प्रभावी रुपाने केले.
समर्पण फाउंडेशनच्या महिला सदस्य डाॅ.गौरी मानकर, डाॅ. वैशाली दाते, डाॅ. मोनाली पोटोडे, सौ.अनुराधा नवधिंगे, सौ.सोनाली उमाटे, सौ. भावना बागडे, सौ.निशा नारेकर, सौ. निशा गहरवार, सौ.अन्वेषा मुलमुले यांनी आज दुपारी 12 ते 4 वाजेपर्यंत चाललेल्या या शिबिराचे रुग्ण नोंदणी सहित संपूर्ण व्यवस्थापन सांभाळले.

या शिबिरात सावनेर शहरातील डॉ. स्मिता भूड़े, डॉ. नेहा जैस्वाल, डॉ. अनूप जैस्वाल, डॉ. प्रशांत घोलसे, डॉ. मयूर डोंगरे, डॉ.अमित बाहेती, डॉ. शिवम पुनियानी, डॉ. छत्रपति मानापुरे, डॉ. रोशन निनावे, डॉ. गिरीश लाकड़े, डॉ. शशांक कूथे, डॉ. अंकिता कूथे, डॉ. मंजूषा दोरखंडे, डॉ. मर्फी गजभिये, डॉ. स्वप्निल काले, डॉ. नितिन सोमकुंवर, डॉ. आकांक्षा निनावे, डॉ. संजय दोरखंडे, डॉ. कीर्ति पींगे, डॉ.वृषाली जैस्वाल, डॉ.पराग घाटोडे, डॉ. सुजाता घाटोडे, डॉ.प्रवीण चव्हाण यानी सेवा दिली.

प्रगती नवदुर्गा मंडळाचे सर्वश्री अशोक उमाटे, अँड.भोजराज सोनकुसरे, संजय जवाहर, धनराज शास्त्री, प्रवीण करोले, तेजराम बोरकर, विलास उमाटे, वाळकृष्ण गावंडे इत्यादींनी या शिबिरात पूर्ण वेळ स्वयंसेवा दिली. या सर्वांचे समर्पण फाउंडेशन परिवारातर्फे स्वागत व आभार व्यक्त करण्यात आले.