अक्षय जाधव पुणे शहर प्रतिनिधी
महाराष्ट्र संदेश न्युज ! ऑनलाईन पुणे:- सध्या राज्यात मराठा आरक्षण संघर्ष पेटला आहे. त्यात पुणे येथून एक खळबळजनक घटना समोर आली आहे. मूळचा अकोला येथील एका 19 वर्षीय युवकाने मराठा आरक्षणासाठी पुण्यात आत्महत्या केल्याची घटना उघडकीस आली. अभय गजानन कोल्हे, असे आत्महत्या केलेल्या युवकाचे नाव आहे.
आत्महत्या केलेल्या अभय कोल्हे हा मूळ अकोला शहरातील डाबकी रोड भागातील रहिवासी होता. त्याच्या वडिलांचे करोना काळात निधन झाले. घरची आर्थिक परिस्थिती अत्यंत हलाखीची असल्याने त्याला आई व बहिणीची चिंता होती. त्यात मराठा समाजाला आरक्षण मिळत नसल्याने तो विवंचनेत होता, असे सांगण्यात येत आहे.
अभयने पुणे येथील चाकण भागात २ नोव्हेंबर रोजी रात्री ७.३० वाजताच्या सुमारास आत्महत्या केली. या घटनेने सर्वत्र हळहळ व्यक्त केला जात आहे. राष्ट्रवादीच्या अजित पवार गटाचे आमदार अमोल मिटकरींनी आत्महत्याग्रस्त कुटुंबाचे सांत्वन करून तरुणाच्या बहिणीचे शैक्षणिक पालकत्व स्वीकारले.
