वाशिम जिल्हा प्रतिनिधी
महाराष्ट्र संदेश न्युज ! ऑनलाईन वाशिम:- जिल्हातून एक संतापजनक घटना समोर आली आहे. येथील कारंजा लाड येथून भाऊ बहिणीच्या पवित्र नात्याला काळीमा फसणाऱ्या घटनेने संपूर्ण कारंजा लाड तालुका हादरला आहे.
येथे एका नराधम आतेभावाने आपल्या अल्पवयीन 15 वर्षीय बहिणीचे बळजबरीने शारीरिक शोषण केले. यात ती अल्पवयीन बहीण 8 महिन्यांची गर्भवती झाली. आपली मुलगी गर्भवती झाल्याचे समजताच तिच्या आई वडिलांच्या पाया खालची वाळू सरकली. कारंजा शहर पोलिसांनी नराधम आरोपी भावा विरुद्ध पोक्सो कायद्यान्वये गुन्हा नोंदवून आरोपीस बेड्या ठोकल्या आहे.
15 वर्षीय अल्पवयीन मुलगी ही आपल्या वडील, भाऊ आणि आजीसोबत राहते. तिचा 23 वर्षीय आतेभाऊ हा मानोरा तालुक्यातील गलमगावचा रहिवासी आहे. तो कामानिमित्त 29 मार्च 2023 पासून कारंजातच राहत होता. पीडित मुलीच्या काकासोबत तो हमालीचे काम करायचा आणि रात्रीच्या वेळी पीडितेच्या घरीच झोपायचा. एकेदिवशी त्याने रात्रीच्या वेळी घरातील सर्वजण झोपेत असताना पीडितेवर शारीरिक अत्याचार केल्याचे तक्रारीत म्हटले आहे. पीडितेला आरोपीने
कुणाकडेही वाच्यता केल्यास तुझ्या भावाला जिवानिशी ठार मारेल अशी धमकी आरोपीने पिढीत मुलीला दिली.
या अत्याचारात मुलगी गर्भवती झाली ही बाब तिने आरोपीला सांगितली असता त्याने प्रकरणातून हात झटकण्यास सुरुवात केली. 21 डिसेंबरच्या दिवशी पीडित तरुणीच्या पोटात दुखायला लागले, या दरम्यान मुलीची आई बाहेरगावी वास्तव्याला होती. वडिलांनी मुलीच्या आईला बाहेरगावहून बोलावून घेतले. आई घरी परतताच स्वतःवर झालेला अत्याचार आणि आठ महिन्यांपासून लपवून ठेवलेला प्रकार पीडित मुलीने आपल्या आईवडिलांना सांगितला. मुलगी आठ महिन्यांची गर्भवती असल्याचे ऐकताच आई-वडिलांना जबर धक्का बसला. त्यानंतर कुटुंबातील सदस्यांनी तात्काळ कारंजा शहर पोलिस स्टेशन गाठत आरोपी विरोधात रितसर तक्रार दाखल केली.
15 वर्षीय पीडित मुलीच्या तक्रारीवरून पोलिसांनी आरोपीचा शोध घेत त्याला अटक केली. या गंभीर प्रकरणी पोलिसांनी आरोपी विरोधात भादंविचे कलम 376, 376 (1) (एन), 376 (3) सहकलम पोक्सो कायद्यान्वये गुन्हा दाखल केला आहे. या प्रकरणाचा अधिक तपास पोलिस निरीक्षक दिनेशचंद्र शुक्ला यांच्या मार्गदर्शनात सहायक पोलिस उपनिरीक्षक प्रियंका वासनिक करत आहेत.
