प्रविण जगताप, वर्धा उपजिल्हा प्रतिनिधी
मो . 9284981757
महाराष्ट्र संदेश न्युज ! ऑनलाईन हिंगणघाट:- तालुक्यातून एक संतापनजक घटना समोर आली आहे. तालुक्यातील एका गावात एक दारुड्या नराधम बापाने आपल्याच पोटच्या मुलीवर अत्याचार केल्याच्या घटनेने हादरला आहे. या नराधम बापाने आपल्या मुलीवर सतत चार दिवस दिवस – रात्र लैंगिक अत्याचार केला.
नराधम बाप आपल्याच 17 वर्षीय मुलीवर अत्याचार करत होता. 4 दिवस ही मुलगी हे सर्व सहन करत होती. तिने मोठे धाडस करीत घडत असलेला प्रकार घरा शेजारी राहणार्या एका महिलेला सांगितल्याने हि संतापजनक घटना उघडकीस आली आहे. यावेळी गावातील नागरिकांनी या नराधम बापाला पकडून पोलिसांच्या स्वाधीन केलं. यावेळी हिंगणघाट पोलिसांनी आरोपी बापाला अटक केली.
प्राप्त माहितीनुसार, पिढीत मुलीची आई आजारी असल्यामुळे तिला हिंगणघाट येथील उपजिल्हा रुग्णालयात उपचारासाठी दाखल करण्यात आले होते. तेथे तिच्या जवळ तिचा 12 वर्षीय मुलगा राहत होता, तर पीडिता ही वडिलांसोबत घरी राहत होती. नराधम बाप दररोज दारु पिऊन रोज मुलीवर बळजबरी अत्याचार करायचा. दिवस रात्र पीडिता वडिलांच्या वासनेची सलग चार दिवस शिकार ठरली. अखेर पीडितेने मोठे धाडस करून घडत असलेला सर्व प्रकार घरा शेजारच्या महिलेला सांगितला. मात्र, पीडितेच्या सांगण्यावर कुणाचाही विश्वास बसत नव्हता. अखेर शेजारच्या महिलेने पाळत ठेवली आणि 5 जानेवारी रोजी सकाळी 11 वाजता हा नराधम बाप पुन्हा मद्यधुंद अवस्थेत घरी आला आणि पीडितेवर अत्याचार करू लागला.
यावेळी पाळत ठेऊन असलेल्या शेजारच्या महिलेने हे सर्व पाहून गावातीलच नागरिकांना सोबत घेत या नराधम बापाला पकडून चांगलाच चोप देत हिंगणघाट पोलिसांच्या स्वाधीन केले. ही कारवाई पोलिस निरीक्षक मारुती मुळूक यांच्या निर्देशात पोलिस उपनिरीक्षक विष्णू भांडवले यांनी केली. पुढील तपास पोलीस करत आहे.
