उमेश इंगळे अकोला जिल्हा प्रतिनिधी
महाराष्ट्र संदेश न्युज ! ऑनलाईन अकोला:- जिल्हातील आलेगाव येथून एक दुर्दैवी घटना समोर आली आहे. येथे वीद्युत तारेवरील पतंग काढण्याच्या नादात एका 16 वर्षीय मुलाला विद्युत प्रवाहाचा जबर झटका बसल्याने मुलगा गंभीर जखमी झाल्याची घटना 15 जानेवारी रोजी मकर संक्रातीच्या दिवशी घडली. समाधान गिल्ले असे या मुलाचे नाव असून मुलावर अकोला येथील रुग्णालयात उपचार सुरू आहे.
आलेगाव येथील समाधान गिल्ले यांचा मुलगा सुमीत गिल्ले हा मकरसंक्रांतीनिमित्त पतंग उडवत होता. एक पतंग विजेच्या तारामध्ये अडकली होती. त्यानंतर सुमीतचा इलेक्ट्रिक पोलावरून पतंग काढण्याच्या नादात विद्युत ताराला स्पर्श होऊन जोरदार धक्का बसल्याने मुलगा भाजला गेला व वरून खाली पडला. त्यानंतर सय्यद मुजाहिद, बालू धाईत, प्रमोद लहमगे यांनी यादरम्यान प्राथमिक उपचाराकरिता आलेगाव प्राथमिक अरोग्य केंद्रात दाखल केले असता, डॉक्टरांनी अकोला सर्वोपचार रूग्णालयात नेण्याचा सल्ला दिला. पुढील उपचार अकोला येथे सुरू आहे.
