बालाजी शिंदे पुणे शहर प्रतिनिधी
महाराष्ट्र संदेश न्युज ! ऑनलाईन पुणे:- पिंपरी चिंचवड शहरातून एक खळबळजनक घटना समोर आली आहे. येथे एका साँफ्टवेअर इंजिनिअर असलेल्या तरुणीची निर्घृण हत्या करण्यात आली आहे. ही घटना समोर येताच संपूर्ण शहरात खळबळ माजली आहे.
पिंपरी चिंचवड शहरात हिंजवडी परिसरात ओयो हॉटेलमध्ये साँफ्टवेअर इंजिनिअर असलेल्या तरुणीचा मृतदेह आढळला. या तरुणीची मध्यरात्री गोळ्या झाडून हत्या केल्याची प्राथमिक माहिती समजते. हिंजवडी पोलीस घटनास्थळी दाखल झाले असून पुढील तपास करत आहेत. पोलिसांनी तरुणीच्या हत्येप्रकरणी एकाला ताब्यातही घेतलं आहे. घटनेमागे प्रेम प्रकरणाचं कारण असल्याचा संशय पोलिसांना आहे.
साँफ्टवेअर इंजिनिअर असलेल्या तरुणीची ओयो हाँटेलमध्ये गोळ्या घालून हत्या करण्यात आलीय. लखनऊ वरून आलेल्या ऋषभ निगम याने तिची हत्या केली. हत्या केल्यानंतर तो पळून मुंबईला जाण्याच्या तयारीत होता. पण मुंबई पोलिसांनी त्याला नाकाबंदी करत अटक केली. हत्येसाठी वापरले गेलेले पिस्टल देखील पोलिसांनी जप्त केले आहे.
पोलिसांनी आरोपीला अटक केल्या नंतर त्यांना स्थानिक न्यायालयात हजर केले असता त्यांना अधिक तपास करण्यासाठी पोलीस कस्टडी मध्ये ठेवण्याचा आदेश दिला आहे. आता संपूर्ण घटना समोर येणार आहे.
