बालाजी शिंदे पुणे शहर प्रतिनिधी
महाराष्ट्र संदेश न्युज !ऑनलाइन पिंपरी चिंचवड:- येथून एक खळबळजनक घटना समोर आली आहे. आज 21 व्या शतकात असूनही हुंड्याने एका विवाहित महिलेचा जीव घेतला आहे. नवीन फ्लॅट खरेदी करण्यासाठी माहेरहुन पैसे आणाण्यासाठी विवाहितेचा मानसिक व शारीरिक छळ केला. सासरच्या छळाला कंटाळून महिलेने राहत्या घरात सिलींग फॅनला साडीने गळफास घेऊन आत्महत्या केल्याची घटना घडली. ही घटना समोर येताच संपूर्ण शहरात खळबळ उडाली होती.
सासरच्या छळाला कंटाळून विवाहितेची आत्महत्या केल्याच्या घटनेनंतर सांगवी पोलिसांनी पती व सासु – सासऱ्याला बेड्या ठोकल्या आहे. ही घटना गुरुवारी (दि.1 फेब्रुवारीला दुपारी 1.00 वाजताच्या सुमारास पिंपळे निलख येथील पंचशिलनगर येथे घडली. गायत्री किरण माने वय 26 वर्ष रा. मुद्रा हाईट्स असे आत्महत्या केलेल्या महिलेचे नाव आहे.
याबाबत आत्महत्या केलेल्या गायत्री यांचे वडिल खंडु उत्तम जाधव वय 49 वर्ष रा. शिवतीर्थनगर, थेरगाव यांनी सांगवी पोलीस स्टेशन येथे सासरच्या मंडळीं विरुद्ध फिर्य़ाद दिली आहे. यावरुन सासु, सासरे परशुराम दिनकर माने, पती किरण परशुराम माने, नणंद यांच्यावर आयपीसी 306, 498 (अ), 323, 34 नुसार गुन्हा दाखल करुन पती, सास- सासऱ्याला अटक केली आहे.
पोलिसांनी दिलेल्या माहितीनुसार, फिर्यादी यांच्या 26 वर्षीय मुलीचे आरोपी किरण याच्यासोबत लग्न झाले होते. लग्नानंतर आरोपींनी संगनमत करुन गायत्री हिने नवीन फ्लॅट घेण्यासाठी माहेरहुन दोन लाख आणावेत यासाठी वारंवार शारीरिक व मानसिक छळ केला. तिच्या चारित्र्यावर संशय घेऊन तिला अपमानित केले. तसेच तिला क्रुरपणे व हिनतेची वागणूक दिली. सासरच्या लोकांकडून होत असलेल्या छळाला कंटाळून गुरुवारी (दि.1) राहत्या घरी बेडरूममध्ये सिलिंग फॅनला साडीच्या सहाय्याने गळफास घेऊन आत्महत्या केली. गायत्रीला आत्महत्येस प्रवृत्त केल्याप्रकरणी पोलिसांनी गुन्हा दाखल करुन पती, सासु सासऱ्यांना अटक केली आहे. पुढील तपास पोलीस उपनिरीक्षक खलाटे करीत आहेत.
