अनिल कडू, विशेष प्रतिनिधी
महाराष्ट्र संदेश न्युज ! ऑनलाईन हिंगणघाट:- तालुक्यातील अल्लिपुर पोलिस स्टेशनच्या हद्दीतील शिवारात धोत्रा ते येसंबा मार्गावर स्थानिक गुन्हे शाखेच्या पथकाने 9 फेब्रुवारीला रात्री 12 वाजताच्या सुमारास अवैध दारू वाहतूक करणाऱ्या देशी, विदेशी दारूसह 7 लाख 38 हजार रुपये किंमतीचा मुद्देमाल जप्त केला.
अवैधरित्या देशी व विदेशी दारूची तस्करी करणाऱ्या वाहनचालक अक्षय पोहाणे राहणार धोत्रा हा वाहन सोडून पसार झाल्याची माहिती आज शनिवारी 10 फेब्रुवारीला पोलिसांकडून प्राप्त झाली आहे.
१० फेब्रुवारीला रात्री १२ वाजताच्या सुमारास अक्षय पोहाणे रा. धोत्रा (का.) हा त्याचे चारचाकी वाहनाने अवैध्यरित्या देशी-विदेशी दारूचा माल भरून वाहतूक करीत असल्याची माहिती स्थानिक गुन्हे शाखेच्या पथकाला प्राप्त झाली. यावेळी पथकाने सोनेगाव स्टेशन शिवारात धोत्रा ते येसंबा रोडवर सापळा रचुन नाकेबंदी केली. कार कमांक MH -04- FZ- 6916 हि चारचाकी कार येताना दिसली, कारला थाबण्याचा इशारा दिला असता पोलीसाची चाहुल लागल्याने कार चालकाने त्याचे ताब्यातील वाहन जागीच सोडुन पळुन गेला.
यावेळी पोलिसांनी कारची पाहणी केली असता कारमध्ये 1,38,700 रूपयाचा अवैध दारूचा माल मिळून आला. पोलिसांनी व कारसह 7,38,700 रूपयाचा मुददेमाल जप्त केला. फरार आरोपी अक्षय पोहाणे, रा. धोत्रा यांचेविरूध्द अल्लीपुर पोलिस ठाण्यात गुन्हा नोंद करण्यात आला आहे. त्याचा शोध पोलीस घेत आहे.
सदरची कार्यवाही पोलीस अधीक्षक नूरूल हसन, अपर पोलीस अधीक्षक डॉ. सागर कवडे, पोलीस निरीक्षक संजय गायकवाड, स्थानिक गुन्हे शाखा वर्धा यांचे निर्देशानुसार स.पो.नि. प्रफुल डाहुले, ठाणेदार पो.स्टे. अल्लीपुर यांचे प्रत्यक्ष मार्गदर्शनात पोलीस अमलदार मनोज धात्रक, अरविंद येणुरकर, संजय बोगा, अनुप कावळे, विनोद कापसे, अभिषेक नाईक सर्व स्थानिक गुन्हे शाखा वर्धा तसेच प्रफुल चंदनखेडे अल्लीपुर पोलीस स्टेशन यांनी केली.
