भारत विद्यालय वेळा येथे छत्रपती शिवाजी महाराज जयंती उत्साहात साजरी.

अनिल कडू विशेष प्रतिनिधी

महाराष्ट्र संदेश न्युज ! ऑनलाईन हिंगणघाट: दिनांक 19 फेब्रुवारी रोज सोमवारला भारत विद्यालय वेळा येथे रयतेचे राजे छत्रपती शिवाजी महाराज जयंती उत्साहात साजरी करण्यात आली. यावेळी विविध कार्यक्रमाचे आयोजन करण्यात आले होते.

भारत विद्यालय वेळा येथे आयोजित करण्यात आलेल्या या कार्यक्रमाला प्रमुख मार्गदर्शक म्हणून अजय नंदनवार तर कार्यक्रमाच्या अध्यक्षा म्हणून सौ. हिंगमीरे मॅडम मुख्याध्यापिका, भारत विद्यालय वेळा लाभल्या.

या कार्यक्रमाची सुरुवात दीप प्रज्वलन व प्रतिमेचे पुजन करून करण्यात आली. यावेळी प्रमुख मार्गदर्शक म्हणून अजय नंदनवार यांनी आपल्या मार्गदर्शनीय भाषणामध्ये विद्यार्थ्यांना छत्रपती शिवाजी महाराजाच्या जीवनावर विस्तृत माहिती सांगितली. तर कार्यक्रमाचे संचालन रंजीत लष्करे व आभार प्रदर्शन श्री. घोडे सर यांनी केले.