रविंद्र भदर्गे, जालना जिल्हा प्रतिनिधी
महाराष्ट्र संदेश न्युज ! ऑनलाईन जालना:- संत शिरोमणी आचार्य श्री विद्यासागर महाराज यांची विनयांजली सभा येथील ग्रामपंचायत कार्यालयात साजरी करण्यात आली. या कार्यक्रमाची सुरुवात मंगलाचरण आणि दीपप्रज्वलन करून झाली. दीपप्रज्वलन सरपंच केशरखाने, उपसरपंच बद्रिभाऊ खवणे, ग्रामपंचायत सदस्य लक्ष्मण शिंदे, शेख बाबा, बाळासाहेब सातपुते, एकनाथ राऊत यांच्या हस्ते करण्यात आले. प्रा. जैन यांनी आचार्य श्रींचे जिनागमनुसार आचरण आणि त्यांच्या विविध क्षेत्रातील कार्य यावर प्रकाश टाकला.
यानंतर लक्ष्मण शिंदे यांनी आपल्या भाषणात सांगितले की आचार्य श्री हे फक्त जैन धर्मियांचेच गुरू नसून ते सर्व धर्मियांचे आहेत. ते पुढे म्हणाले की आपणास संतांची महान परंपरा लाभलेली आहे. संतांचे विचार आपण आचरणात आणले तर आत्मिक समाधान आणि शांती प्राप्त होते.
पुढे पत्रकार एकनाथ राऊत यांनी आचार्य श्री यांच्या कार्याचा गौरव केला.
या कार्यक्रमाचे सूत्रसंचालन आणि आभार प्रदर्शन प्रा. डॉ. रेखा जैन यांनी केले. यावेळी शांतिलाल, ठकसेन, कैलाश, सुरेश, रवींद्र जैन, सतीश, पवन, नितीन, सचिन, अमोल, वैभव, राहुल, रवी गोसावी, निलेश वाईकोस आणि वाटूर आणि केंधळी येथील श्रावक आणि श्राविका तसेच ग्रामस्थ मोठ्या प्रमाणावर उपस्थित होते.
