अनिल कडू विशेष प्रतिनिधी
महाराष्ट्र संदेश न्युज ! ऑनलाईन हिंगणघाट:- तालुका आरोग्य विभागाच्या वतीने आज शनिवारी ०२ मार्चला डॉ.आंबेडकर चौक ते कारंजा चौक पल्स पोलीओ लसीकरण मोहिमेच्या प्रचारार्थ जनजागृती रॅली आयोजित करण्यात आले. या मोहिमेअंतर्गत हिंगणघाट तालुक्यात ० ते ५ वयोगटातील एकुण १६९८२ लाभार्थी असुन त्यांना लस पाजण्याकरीता हिंगणघाट शहरात ७४ बुथची व्यवस्था करण्यात आली असुन ग्रामिण भागात १४५ बूथची व्यवस्था करण्यात आली आहे. सोबतच १० फिरते पथक तैनात केले आहे. सर्व बुथवर प्रशिक्षीत मनुष्यबळ व पुरेशी लस उपलब्ध करुन देण्यात आली आहे. मोहिमेच्या यशस्वीतेसाठी तालुका प्रशासन व रोटरी क्लब हिंगणघाट प्रयत्नशील आहे.
या रॅली मध्ये डॉ. आंबेडकर विद्यालय, संजय गांधी विद्यालय, भारत विद्यालय, जि.बी.एम. विद्यालय, एस.एस.एम.मोहता विद्यालय व युवा परिवर्तन नर्सिंग कॉलेज विद्यार्थ्यांचा सहभाग होता. रॅली ला डॉ. अशोक मुखी व डॉ. प्रविणा मिसार वैद्यकिय अधिक्षक उपजिल्हा रुग्णालय हिंगणघाट यांनी हिरवी झेंडी दाखवुन सुरुवात करण्यात आली. रॅलीकरीता डॉ प्राचार्य राजू निखाडे, डॉ. प्रा.माया मिहानी, डॉ.अशोक बोगीरवार, पंकज देशपांडे, डॉ. प्रभाकर नाईक तालुका आरोग्य अधिकारी उपस्थित होते.
या रॅलीचा समारोप कारंजा चौक मध्ये करण्यात आला. समारोप प्रसंगी डॉ अशोक मुखी हयांनी पोलीओ लसीचे महत्व विशद केले व सर्वांना दिनांक ३ मार्च २०२४ रोजी आपल्या घरातील, शेजारच्या व संपर्कातील ०५ वयोगटातील बालकांना लस घेन्यासाठी बुथवर पाठविण्यास प्रवृत्त करावे असे आवाहन केले.
या कार्यक्रमाच्या यशस्विते करीता मनोज वरभे, निखील हेडाऊ, प्रशांत धोंगडे, बिनोद भगत, रितेश कांबळे, प्रीया लोहकरे, उमेश मेश्राम, पदमा खरसान यांनी सहकार्य केले.