पल्लवी मेश्राम उपसंपादक नागपुर
महाराष्ट्र संदेश न्युज ! ऑनलाईन नागपुर:- येथून एक धक्कादायक घटना समोर आली आहे. शुल्लक कारणावरून एका पतीने आपल्या पत्नीच्या अंगावर पेट्रोल ओतून पेटवून दिले. त्यानंतर स्वतःच्या अंगावर पेट्रोल ओतून पतीने आत्महत्या करण्याचा प्रयत्न केला. दोघांवर उपचार सुरू असताना काल पतीचा मृत्यू झाला. राहुल चाफले हे मृताचे नाव आहे. तर पत्नीवर शासकीय रुग्णालयात उपचार सुरू आहेत. ही घटना शुक्रवारी दिनांक 29 मार्चला घडली. पत्नीच्या बयाणावरून पोलिसांनी गुन्हा दाखल केला.
आकांशा राहुल चाफले वय 29 वर्ष रा. तारसा रोड शिवनगर कन्हान येथे भाड्याने राहते. तर राहुल चिंतामण चाफले वय 33 वर्ष हा पिपरी येथे राहतो. राहुल याला दारूचे व्यसन आहे. यातून दोघांमध्ये नेहमी खटके उडायचे. कधी-कधी राहुल पत्नी आकांक्षा हिला मारझोड करायचा. त्यामुळे त्यांच्या घरी नेहमी तणाव राहत होता. शुक्रवारी सायंकाळी राहुल याने पत्नी राहत असलेल्या घरी आला.
तिला घरी चाल नाही तर पेट्रोल अंगावर ओतून पेटवून देईन म्हणून धमकी देऊ लागला. मात्र, तिने नकार दिला. यामुळे संतप्त झालेल्या राहुलने पत्नीच्या अंगावर पेट्रोल ओतले आणि पेटवून दिले. पत्नी जळालेल्या अवस्थेत घराबाहेर निघाली. शेजारील लोकांनी आग विझवून तिला उपचारासाठी रुग्णालयात दाखल केले. दरम्यान राहुल याने स्वतःच्या अंगावर पेट्रोल ओतून जाळून घेतले.
यात दोघेही गंभीर जखमी झाले. त्यांना शासकीय रुग्णालयात उपचारासाठी दाखल करण्यात आले. आज, राहुल याचा उपचारादरम्यान मृत्यू झाला तर आकांक्षा हिच्यावर उपचार सुरू असून तिची प्रकृती गंभीर आहे. पोलिसांनी राहुलविरुद्ध गुन्हा दाखल केला आहे. कन्हान ठाणेदार उमेश पाटील यांच्या मार्गदर्शनात पोउपनि एकनाथ राठोड, पोहवा नरेश श्रावणकर तपास करीत आहेत.