अनिल कडू विशेष प्रतिनिधी हिंगणघाट
महाराष्ट्र संदेश न्युज ! ऑनलाईन हिंगणघाट:- विज्ञान व तंत्रज्ञान मंत्रालय भारत सरकार, राष्ट्रीय नवप्रवर्तन प्रतिष्ठान, राज्य विज्ञान संस्था नागपूर, शिक्षण विभाग जिल्हा परीषद नागपूर यांच्या संयुक्त विद्यमाने आयोजित 12 वे जिल्हा स्तरीय इंन्स्पायर अवॉर्ड प्रदर्शनी सेंट पॉल इंटरनॅशनल स्कूल, नागपूर येथे घेण्यात आली होती.
या प्रदर्शनीत सेंट जॉन्स हायस्कूल हिंगणघाटच्या समरजीत बोबडे, झनक कोठारी आणि आदित्य गावंडे यांनी सहभाग घेतला. या प्रदर्शनीत समरजीत बोबडे याच्या विज्ञान प्रतिकृतीची कराड येथे होणाऱ्या राज्य स्तरीय स्पर्धे करीता निवड झाली आहे.
समरजीत बोबडे, झनक कोठारी आणि आदित्य गावंडे यांनी आपल्या यशाचे श्रेय प्राचार्या सिस्टर प्रिती जॉर्ज, सलमा काजी, तसेच सर्व विज्ञान शिक्षिका व पालक यांना दिले. सर्वांनी राज्य स्तरीय स्पर्धेकरीता समरजीत यास शुभेच्छा दिल्या.
