अनिल कडू विशेष प्रतिनिधी हिंगणघाट
महाराष्ट्र संदेश न्युज ! ऑनलाईन हिंगणघाट:- तालुक्यातून एक भीषण अपघाताची घटना समोर आली आहे. नागपूर हैदराबाद राष्ट्रीय महामार्ग क्रमांक 44 वरील दारोडा टोल नाक्याजवळ ३ एप्रिल ला रात्री 10 वाजताच्या सुमारास जाम कडून एकुर्लीकडे जात असलेली दुचाकी अनियंत्रित होऊन दुभाजकावर जाऊन धडकली. या अपघातात डोगरखड्डा येथिल गेडाम नामक व्यक्तीचा जागीच मृत्यू झाला तर किरण आत्राम राहणार एकुर्ली हा गंभीर जखमी झाला.
किरण आत्राम या जखमीला उपचारासाठी तातडीने वडनेर येथिल ग्रामीण रुग्णालयात दाखल करण्यात आले, मात्र प्रकृती गंभीर असल्याने त्यांना उपचारासाठी सेवाग्राम रुग्णालयात हलविण्यात आले. मृत्यक व जखमी हे दोघेही दहेगाव येथून लग्न समारंभ आटोपून गावाकडे जात असताना हा अपघात झाला. या घटनेचा पुढिल तपास वडनेर पोलिस करीत आहेत.
