अनिल कडू विशेष प्रतिनिधी हिंगणघाट
महाराष्ट्र संदेश न्युज ! ऑनलाईन हिंगणघाट:- तालुक्यातील वडनेर पोलिस ठाण्याच्या हद्दीतून एक खळबळजनक घटना समोर आली आहे. येथील बोपापुर शेत शिवारात विहीर जवळ एका तरुणाने विष प्राशन करून आत्महत्या केल्याच्या घटनेने संपूर्ण गाव हादरले आहे. शुभम वसंता उमाटे वय 29 वर्षे राहणार फुकटा असे मृतक तरुणाचे नाव आहे.
बोपापुर शेत शिवारात विहीर जवळ फुकटा येथे राहणाऱ्या शुभम वसंता उमाटे या तरुणाने विष प्राशन करून आत्महत्या केली. यावेळी शेतात शेतकरी गेले असता ही घटना समोर आली. त्यानंतर या घटनेची माहिती वडनेर पोलिसाना देण्यात आली. घटनेची माहिती मिळताच पोलिसांनी घटनास्थळी जाऊन पंचनामा करून मृतदेह शवविच्छेदना करीत वडनेर येथिल ग्रामीण रुग्णालयात दाखल केला.
मृतक शुभम उमाटे यांनी नेमकी आत्महत्या का केली याचे कारण अद्याप समजू शकलेले नसुन पुढील तपास वडनेर पोलिस करीत आहेत.
