अनिल कडू विशेष प्रतिनिधी हिंगणघाट
महाराष्ट्र संदेश न्युज ! ऑनलाईन हिंगणघाट:- तालुक्यातील नांदगाव येथिल प्रदिप दिवे यांच्या घरातील बेडखाली डब्यात ठेऊन असलेले २ लाख ३५ हजार रुपये किंमतीचे सोन्या चांदीचे दागिने अज्ञात चोरट्याने चोरून नेल्याची घटना २४ मे रोजी सकाळी १० वाजता उघडकीस आली.
यासंबंधी ची तक्रार दाखल आज २६ मेला पोलिस ठाण्यात करण्यात आली.
प्रदीप दिवे राहणार नांदगाव यांच्या घरातील हॉल मधील लाकडी बेड मध्ये स्टीलच्या गंजामध्ये २ लाख ३५ हजार रुपये किंमतीचे सोन्याचे दागिने ठेवून होते. २३ मे रोजी बौध्द पौर्णीमा निमीत्य घराचे दार लोटून घरचे लोक बौध्द विहारात गेले होते. याच दरम्यान अज्ञात चोरट्याने डाव साधून गंजात ठेऊन असलेला सोन्याचा 30 ग्रॅम हार, सोन्याचे ३ ग्रॅमचे कानातले दोन जोड, सोन्याची २ ग्रॅमच्या दोन जिवती ,३ ग्रॅमची सोन्याची बादाम अंगठी , अर्धा ग्रॅम सोन्याची अंगठी , सोन्याचा नाकातील खडा, चांदीची 8 तोळे पायातील चाळ, 12 तोळे चांदीची पायातील चाळ असा एकुण 2,35,000 रूपयाचा माल चोरुंन नेला. प्राप्त तक्रार वरून हिंगणघाट पोलिस ठाण्यात गुन्हा दाखल करून पुढील तपास पोलीस करीत आहेत.
