अनिल कडू विशेष प्रतिनिधी हिंगणघाट
महाराष्ट्र संदेश न्युज ! ऑनलाईन हिंगणघाट:- घरफोडीच्या घटनेने हिंगणघाट शहर हादरले आहे. शहरातील संत तुकडोजी वार्डातील स्वप्न नगरीत झालेल्या घरफोडीत नगदी सहित १ लाख ८३ हजार ७०० रुपये किंमतीचे ऐवज चोरी झाल्याची माहिती पोलिसांकडून प्राप्त झाली आहे.
गजानन लोनबळे याची पत्नी सौ किरण लोनबळे सकाळी साडेपाच वाजता झोपेतुन उठली तेव्हा तिला बेडरूम मध्ये असलेली लोखंडी आलमारी उघडी दिसली व त्यातील सामान अस्त व्यस्त दिसले. त्यावरून तिने गजानन लोनबळे यांना झोपेतुन उठविले आणि झालेला प्रकार निर्दशनास आणला. त्यांनी कपाटाची पाहणी केली असता कपाटाच्या आत असलेल्या लॉकरमध्ये ठेवलेले ४० हजार रुपये नगदी, आणि १ लाख ४३ हजार ७०० रुपये किंमतीचे सोन्या चांदीचे दागिने असा एकूण १ लाख ८३ हजार ७०० रुपये किंमतीचा मुद्देमाल अज्ञात चोरट्याने चोरुन नेल्याची तक्रार गजानन लोनबळे यांनी हिंगणघाट पोलिस ठाण्यात दिली. पोलिसांनी यासंबंधी नोंद करून पुढील तपास करीत आहेत.
