अनिल अडकिने नागपूर सावनेर प्रतिनिधी
महाराष्ट्र संदेश न्यूज ! ऑनलाईन नागपूर:- सम्राट अशोका बहुउद्देशीय संस्था मोहपा तर्फे सामाजिक ऋण फेडणाऱ्या मान्यवरांचा सत्कार करण्यात येतो. यावर्षी ज्येष्ठ व निर्भीड पत्रकार, जिल्हा प्रतिनिधी पत्रकार व महाराष्ट्र संदेश न्युजचे विदर्भ ब्युरो चीफ युवराज मेश्राम यांचा छत्रपती शिवाजी महाराज रयतेचा राजा हा पुरस्कारां करीता निवड करण्यात आली.
दरवर्षीप्रमाणे यंदाही छत्रपती शिवाजी महाराज, महात्मा ज्योतिबा फुले, राजश्री शाहू महाराज, साहित्यरत्न अण्णाभाऊ साठे, वीर बिरसा मुंडा व प. डॉ. बाबासाहेब आंबेडकर यांची संयुक्त जयंती कार्यक्रम अरुणभाऊ सोमकुवर यांच्या अध्यक्षतेखाली घेण्यात आला होता. या कार्यक्रमाचे प्रमुख अतिथी जिल्हा परिषदचे माजी उपाध्यक्ष मनोहरराव कुंभारे, डॉ. राजीव पोद्दार व किशोर गजभिये माजी सनद अधिकारी, आंबेडकरी साहित्यिक मनोहर शिंदे बहुजन मुक्ती आंदोलनचे राष्ट्रीय अध्यक्ष सुरेशबाबू डोंगरे कार्यक्रमाचे मुख्य आयोजक पॅंथर भीमराव डोंगरे चेतना मागासवर्गीय बहुउद्देशीय सं. सचिव अरुण वाहने विदर्भ शाहीर कलाकार परिषद शाहीर बन्सीधरजी कोठीकर या प्रमुख अतिथीच्या हस्ते सम्राट अशोका बहुउद्देशी संस्था मोहपा तर्फे सत्कारमूर्ती युवराज मेश्राम यांना छ. शिवाजी महाराज रयतेचा राजा हा पुरस्कार देऊन सन्मानित करण्यात आले. सामाजिक कार्यामध्ये आवड निर्माण व्हावी व ज्यांनी सामाजिक कार्य केले त्या सामाजिक कार्यकर्त्याची जाण म्हणून व आंबेडकरी चळवळ ही गतिमान व्हावी याकरता व डॉक्टर बाबासाहेब आंबेडकरांचे थोर पुरुषांचे विचार हे शेवट च्या घटकापर्यंत पोहोचवण्याकरता हा संयुक्त जयंतीचा कार्यक्रम दरवर्षी घेतला जातो या कार्यक्रमात अनेक सामाजिक धार्मिक सांस्कृतिक शैक्षणिक राजकीय नेतेगण त्याचप्रमाणे हजारोंच्या संख्येने कार्यकर्ते उपस्थित असतात. हा सत्काराचा कार्यक्रम जयंतीच्या निमित्ताने आंबेडकरी विचारधारेवर प्रबोधनात्मक भाषणे व गायनाच्या माध्यमातून आंबेडकरी विचारधारेवर आधारित गीते गाऊन प्रबोधन केल्या जाते. थोर पुरुष यांची संयुक्त जयंती गेल्या पंधरा वर्षापासून हे पॅंथर भीमरावजी डोंगरे हे करीत असतात. या कार्यक्रमाला स्वयंस्फूर्तीने अनेक सामाजिक कार्यकर्ते हा कार्यक्रम यशस्वी ते करता पुढे येतात हे विशेष
